Accessibility links

пәнҗешәмбе, 8 декабрь 2016, Казан вакыты 05:18

Tarix fänen uqıtu däreslege nindi bulırğa tieş?


Qazanda uzğan “tügäräk östäl”dä berençe tapqır Rusiä häm Tatarstan tarixınıñ tarixçıları uqıtuçılar belän bergä oçraşıp söyläşte. Tügäräk östäldä Mäskäw ğalimnäre arasında Rusiä Fännär Akademiäse professorı Nikita Zagladin, pedagogika fännäre kandidatı Sergey Kozlenko, professor Aleksandr Danilovlar çığış yasadı.

Soñğı 10-15 yılda irekle demokratiä şartlarında belgeçlär dä, professional bulmağan avtorlar da kitapların çığara alğan çorda, tarix kitapları bik çuarlandı digän fiker äytelde. Alar bik küp häm törle. Uqıtuçılarğa kiräkle kitap saylarğa bik awır. Qaysı klassta nindi tarixnı uqıtırğa digän sorawğa uqıtuçılar ğalimnärdän dä turı ğına cawap ala almadı. Tarixnı uqıtuda däresleklärgä närsälär kerergä tieş digän sorawğa çığışlardan şul açıqlandı: Bötendönya tarixı turında fiker yörtüdän alıp, federal' komponent belän, milli regional' komponentnı kertep, häm subregional' komponent (şähär, awıl, uram, öy) tarixın bäyläp uqıtu döresräk bulır. Däresleklär balalarnıñ fiker yörtü däräcäse yuğarığa kütärerlek häm zaman sulışın toyıp yäşärgä öyräterlek bulırğa tieş digän fikerlär yañğıradı. Tarixqa yaña qaraş: ul här balada watanpärwärlek tärbiäläw. Şunıñ öçen dä här balanıñ telen, dinen, ilen qıyırsıtmıy torğan tarix kiräk.

Mälikä Basıyr. Qazan

XS
SM
MD
LG