Accessibility links

пәнҗешәмбе, 8 декабрь 2016, Казан вакыты 19:08

Qoral belgeçe David Kellyneñ ülemen tikşerü dävam itä.


Britan xökümäte öçen eşlävçe ğalim David Kellyneñ ülemen tikşerü tıñlaularında 12-nçe Augustta BBC jurnalistı Andrew Gilligan tanıqlıq birde. BBC Britan xökümäte Ğıraqtan kilgän qurqınıçnı küpertep kürsätte digän raportınıñ töp çığanağı Kelly buldı dip iqrar itkän ide. Bu xaqta barğan tikşererenülär turında radiobız xäbärçese qayber beleçlärneñ fikerenä möräcäğät itte.

David Kellyneñ ülemen tikşerü eşe dävam itä. Tıñlaularda BBC jurnalistı Gilligan tanıqlıq birde. Mäğlum bulğança, xökümätneñ qorallar mäsäläse buyınça belgeçe Kelly, tikşerülärgä arağanda, yaqınça ber ay elek üzen-üze utergän ide. Ul parlament tıñlaularında tanıqlıq itärgä tieş ide. Şuşı tıñlaular isä Britan xökümäte Ğıraqnıñ massa küläm yuq itü qorallarınnan kilgän qurqınıçnı küpertep kürsätte digän ğäyeplävlärne tikşerü maqsäte belän ütkärelergä tieş. Xökümät Ğıraqqa qarşı suğışnı yaqlatu öçen annan kilgän qurqınıçnı artırıp kürsätte digän raport BBCda tapşırılğan häm anıñ aftorı Gilligan ide. Ul üzeneñ raportı Britaniäneñ ölkän küzläv belgeçeneñ mäğlümälärenä tayana dip beldergän ide. Bu raport xökümät belän BBC arasında zur bäxäskä säbäp bulğan ide. Gilligan mäxkämä tıñlaularında üzeneñ raportınıñ döreslegen yaqlap çıqtı häm Kelly belän bulğa oşraşudağı qul yazmalarınnan sitatlar kiterde. Anıñ süzlärençä, Kelly, xäkümätneñ Ğıraq 45 minutta ximik yäise biologik qoralların qullanışqa kertä ala digän raslau andıy arttırıp kürsätülärneñ berse dip äytkän. Kelly şulay uq Ğıraqnıñ qoralları turındağı raportnı bozunıñ ytöp cavaplısı premier Blairnıñ yaqın xezmättäşe Alastair Campbell buldı dip tä äykän Campbell monı kire qaqtı häm BBCdan monıñ öçen ğafu ütenüen taläp itte. Tikeşrülär äle yaña ğına başlansa da, ul Kelly ölkän xezmätkär tügel ide häm anıñ mätbuğat belän oçraşırğa xaqı yuq ide digän xökümät raslauların nığıtmadı. Tanıqlar Kelly Saqlanu Ministerlegeneñ yäşeren mäğlümätlären kürergä xoquqlı ölkän xezmät ide , ul Ğıraq mäsäläsendä täcribäse bulğan töp belgeçlärneñ berse ide häm anıñ informatsiä organnarı belän oçraşırğa da xoquqı bar ide dip belderdelär. Şuşı mäsälä premier Blair häm xökümäteneñ ışanıçlılığna zur orım yasadı. YouGo tarafınan atna azağında ütkärelägn xalıq fikeren beleşü, anda qatnaşuçılarnıñ 41 protsentınıñ Kellyneñ üleme öçen xökümät cavaplı dip xisaplauın kürsätte. Yougo tikşerenüläreneñ başlığı Joe Twymannıñ süzlärençä, fikere soralğannarnıñ öçtön ike öleşe xökümät namuslı häm ışanıçlı tügel dip beldergän. Läkin, şuluq fiker beleşüdä BBC da tänqitlängän. Fikere soralğannarnıñ 29 protsentı Kellyneñ üleme öçen BBC jurnalistın ğäyelägän. Läkin, Essex Univrsitetı professorı Anthony Kingnıñ fikerençä iñ zur zian premier Blairga kilä.

Audio

Teläsä telämäsä dä Blair äfändeneñ şäxsi abruyı , ışanıçlılığı sorau astında tora.

King premierneñ postın yuğaltu qurqınıçı yuq dip beldersä dä, aña bareber nindidere zian kiläçäk digän fikerdä. Blair üze dä tanıqlıq birergä tieş. Tik monıñ vaqıtı äle bilgesez. Tikşeülär ozaqqa suzılaçaq häm vaqıt ütü belän cämağätçelekneñ qızıqsınuı da kimer dip ötärgä bula. Dimäk zaman premier Blair faydasına eşli.

Färit İdelle, Praga.
XS
SM
MD
LG