Accessibility links

дүшәмбе, 5 декабрь 2016, Казан вакыты 17:31

Çallı şähäre başlığı bulıp İldar Xalikov bilgelände...


Şul uq pänceşämbe könne Tatarstan prezidentın Çallıda tağın ber möhim eş kötä. 14nçe avgust könne, irtän ul Çallı şähär sovetınıñ çirattan tış sessiäsendä qatnaşaçaq. Monda ul deputatlarğa Çallı şähäreneñ yaña başlığın täqdim itäçäk. Çärşämbe könne genä tögäl bilgele bulğança, yaña xakimiät citäkçese bulıp KamAZ şirkäteneñ general direktorınıñ urınbasarı İldar Xalikov bilgelände.

Çärşämbe, 13nçe avgust könne, Tatarstan premyer-ministrı Röstäm Miñnexanov citäkçelegendäge respublika xökümäte delegatsiäse Üzbäkstanğa räsmi säfären tämamladı. Sişämbe könne Taşkent şähärendä başlanıp kitkän bu vizit ike respublika arasındağı xezmättäşlekne kiñäytü maqsatınnan oyıştırılğan ide. Tatarstanlılar Üzbäkstanda xökümät wäkilläre, eşlekle dairälär belän genä söyläşülär uzdırıp qalmadılar. Alar, şulay uq, respublikadağı tatar diasporası wäkilläre belän dä oçraştılar, millättäşlärebezneñ tormışı belän tanıştılar. İnde xäbär itkänebezçä, Qazan delegatsiäse arasında Bötendönya tatar kongressı Başqarma komitetı räise Rinat Zakirov ta bar ide. Äläge säfär häm anıñ näticäläre turında pänceşämbe könne respublikanıñ Ministrlar Kabinetında ütäçäk jurnalistlar belän oçraşuında iğlan itäçäklär.

XS
SM
MD
LG