Accessibility links

дүшәмбе, 5 декабрь 2016, Казан вакыты 23:40

Qazanda Rusiä uquçılarınıñ berençe cäyge Spartakiadası açıldı...


Qazanda çärşämbe könne Rusiä uquçılarınıñ berençe cäyge Spartakiadası açıldı. Ul Qazan ippodromında at sportı yarışları belän başlanıp kitte. Bu çara şaqtıy däwamlı. Yarışlar 10nçı sentyabrgä qädär baraçaq. Ber ay eçendä 16 sport törennän yarışlarda 5 meñnän artıq uquçı qatnaşaçaq. Bäygelär Qazanda ğına tügel, Yar Çallı häm Sarıtaw şähärlärendä dä ütäçäk. Aq Bars xokkey komandası şuşı könnärdä Ufadan ciñü yawlap qayttı. Tatarstan xokkeyçıları uñışlı ğına çığış yasap, Başqortstan prezidentı Mortaza Räximov kubogın Qazanğa alıp qayttılar. Ä bu könnärdä alar Qazan xokkey söyüçelären şatlandıra. Sişämbe könne Torpedo komandası belän uzğan iptäşlär oçraşuında Aq Bars yänä ciñü yawladı. Tatarstannıñ avtouzışçıları da sınatmıy. Alar rätlärendä bu yulı Röstäm Miñnexanov bulmawğa da qaramastan, Vladimir Çagin citäkçelegendäge KamAZ ekipajı Şärıq rallisı-2003 yarışında berençe urında bara.

Gölnaz İlgizär

XS
SM
MD
LG