Accessibility links

якшәмбе, 11 декабрь 2016, Казан вакыты 16:45

Äfğänstanda qatı atışlar häm şartlawlar näticäsendä barlığı 60-lap keşe hälak buldı


Bezneñ andağı xäbärçebez äytüençä, bügen irtän Xost töbägendä AQŞ xärbiläre saqlağan Äfğän postına ber yözläp suğışçı höcüm itkän. Äl-Qaidä äğzası bulğan ğäräplär häm Taliban äğzaları dip sanalğan 15 suğışçınıñ häm 5 çik saqçısınıñ ülüe turında äytelä. Reuters xäbär agentlığı äytüençä, Helmand ölkäse citäkçese Ğulam Mahayuddin maşinağa quyılğan bomba şartlaw näticäsendä kimendä 15 keşe hälak buldı, bişäw yaralandı dip beldergän. Uruzgan töbägendä ike qorallı törkemneñ uzara bäreleşendä 25-läp suğışçı hälak bulğan. Qabuldağı xakimiätlär äytüençä, başqalada bomba şartlawdan 2 student ülgän. Alar bu bombanı yasağan waqıtta bomba oçraqlı räweştä şartlağan dip sanala. Qabul politsiäse başlığı urınbasarı Xalilulla Aminzada Reuters agentlığına, studentlar ul bombanı maşinağa quyıp şartlatırğa telägän digän faraz belderde.

XS
SM
MD
LG