Accessibility links

Кайнар хәбәр

BMO wäkile İSAFnı böten Äfganstanda cäyelderü öçen tırışlıq alıp bara


BMOnıñ Äfganstandağı wäkile Laxdar Braximi İminlek Şurasın, Qabulda torğan xalıqara iminlek yardäme köçläre(İSAF)nı başqa urın töbäklärgä urnaştırırğa çaqırğan. Braximi kiläse iyün ayında ğadel saylaular ütkärü öçen böten ildä iminlekneñ arttırıluı zarur dip belderä..

BMOnıñ Äfganstanğı wäkile Laxdar Braximi İminlek Şurasınıñ yabıq işeklär artında ütkän cıyılışınnan soñ jurnalistlar belän oçraştı.Braximi süzlärençä iyündä saylaular ütkärüne küzdä totqan Bonn protsessın garantiäläü öçen tınıçlıq ğäskärilären böten Äfganstanğa cäyelderü zarur .BMOnıñ wäkile iminlek şartlarınıñ naçar buluı säbäple üsü öçen kiräkle aktivlıqlar tuqtala, xalıqqa xezmät kürsätü özelä häm tınıçılq protsesına ışanıç kimi dip söyläde. Laxdar Braximi bolay dip äytte (audio) Işanıçlı,irekle häm ğädel saylaular oyıştıru öçen äfgan xökümäte häm xalıqara cämäğätçelek bik küp başqa närsä eşlärgä tieş. Bez bugen İminlek Şurasın iminlek ölkäsendä, qanun häm başqa ölkälärdä bik açıq itep eşçänlek kürsätergä çaqırdıq. BMOsı räsmiläre häm Äfgan xakimiätläre här daim İminlek Şurasın tınıçlıq ğäskäriläre İSAFnı ilneñ başqa urınnarına urnaştıru röxsäte birergä çaqırıp kilä.Äfganstanda terrorğa qarşı koalitsiä belän citäklägän Quşma Ştatları vä Şurağa äğza illär, xalıqara köçlär tügel ä afgan armiäse häm politsiä köçlären künegülärdän ütkärügä basım yasıy. Sonğı aylarda Waşington xärbilär tarafınnan yaqlanğan keçkenä tözü törkemnären Qabuldan çittäge töbäklärgä urnaştıra başladı.Bu törkemnär mäktäp tözüdän alıp , cimerelgän küperlärne tözätü, qıyı qazuğa qädär törle eşlär belän şägellänä.Eşçänlek xärbilär yaqlauında bulğan öçen ildä iminlek xisse dä cäyelä älbättä. Braximi andıy törkemnärne ildä cäyelderü fikren yaqlap çıqsa da, äfgan üzäk xökümäteneñ xakimiäten kiñäytü öçen kübräk sanda xalıqara tınıçlıq ğäskärilärenä ixtiaç bar dip äytte.Qabulda 5meñ xärbidän torğan xalıqara köçlär tora. Laxdar Braximi min İminlek şurasında küpme östämä ğäskär kiräklege tuırnda sannar kitermädem dip äytkän jurnalistlarğa.Ämma diplomat fikernçä politik protsessnı alıp baru öçen 8-belän 13meñ arasında östämä ğäskärigä ixtiaç bulaçaq. Braximi 1999nçe yılda Kosovo BMO qaramağına quyılğaç anda 40meñ çaması tınıçlıq ğäskäriä cibärelde, şunlıqtan minem Äfganstan öçen äytkän sannar bik tıynaq, ütkän yılda ğına Äfganstanğa qaytqan mohacirlar sanı Kosovonıñ 2millionlıq xalıq sanınnan artıqraq dip söylägän.AQŞ BMOdağı wäkile John Negroponte şura äğzalarınıñ küpçelege Äfganstanda tınıçlıq ğäskäriläre belän citäkläü eşen NATO-ıñ üz östenä aluın xupladı dide. Ul NATOnıñ rolen kiñäytü turında söyläşülär buluın da äytkän Negroponte(audio) NATO kiläse atna yäki aylarda İSAFnıñ rolen Kabuldan çitkä kiñäytü mömkinçelege turında söylär dip kötelä.Çärşämbedä şurada küp kenä delegatlar provinsiälärgä cibärelgän tözü törkemnäreneñ Äfganstanda iminlek tämin itüdäge ähämiäte turında söyläde. Laxdar Braximi qurqınıçsızlıq mäsäläsendä borçılular bulsa da, 2001nçe yıldağı Bonn konferensiäsennän soñ reformalardağı progressqa tuqtalıp, xalıqara cämäğätçerlekne Äfganstanğa iqtibarın kimetmäskä çaqırdı. BMOnıñ Äfganstandağı wäkile iminlek Şurasında söyläşülär alıp barğanda ilneñ üzendä törle şartlaularda 60tan artıq keşe häläk buldı, 10larçası yaralandı.Atna azağnda BMO,Afganstannıñ könyağında üzeneñ yardäm xezmätkärlärenä artıp kitkän höcümnärdän soñ , andağı missiälären yaptı.

färidä xämit, praga
XS
SM
MD
LG