Accessibility links

сишәмбе, 6 декабрь 2016, Казан вакыты 19:04

Ğiraqtağı AQŞ xärbiläre yalğış ber Ğiraqlını ütergän öçen şiğilardan ğafu ütende


Şiği din ähellärenä ğafu ütenü xatında xärbilär citäkçese Christopher Hoffman yalğışlıq belän kilep çıqqan bu waqıyğa öçen ğafu ütenü belderä. Bu turıda CNN televidenise häm Frans Press agentlığı xäbär itä. Bu waqıyğa Bağdadnıñ kübesençä şiğilar yäşägän Sadr öleşendä çärşämbe könne bulğan. AQŞ xärbilärenä granata höcümennän soñ xärbilär ut açqan häm ber ğiraqlını ütergän. Anda elemtä qolğasınnan İslam älämen töşerügä rizasızlıq çaraları qabınıp kitkän bulğan. AQŞ xärbiläre äytüençä, ul älämne yaqınnan oçıp ütüçe boralaqnıñ cile bärep töşergän bulırğa mömkin. Ğiraqnıñ AQŞ bilgeläp quyğan İdarä Şurası Berläşkän millätlär Oyışmasına möräcäğätendä Şuranı Ğiraqnıñ räsmi wäkile bularaq tanunı soradı. Quşma Ştatlar BMO İminlek Şurasına möräcäğät itep bügen ük Ğiraqnıñ İdarä Şurasın xuplawçı häm Ğiraqta BMO-nıñ yaña wäkillegen açu turında rezolütsiä qabul itärgä çaqırdı.

XS
SM
MD
LG