Accessibility links

якшәмбе, 11 декабрь 2016, Казан вакыты 01:26

Hamburg mäxkamäse 11 Sentäberdäge terror ğämällärenä bäyle buluda ğäyeplänüçe Morokko studentı eşen qarawğa kereşte


Germaniäneñ Hamburg şähärendä, 2001 yılnıñ 11 sentäbrendä Quşma Ştatlarda bulğan terror ğämällärenä bäyle buluda ğäyeplänüçe Morokko studentı eşen mäxkamädä qaraw başlandı. Morokkolı Abdelğani Mzudi 3066 keşene üterügä öleş kertüdä häm terror törkeme äğzası buluda ğäyeplänä. Germaniäneñ federal' prokurorı Matthias Krauss mäxkamägä Mzudi terror höcümnärenä yardäm itkän häm oçqıçlar belän Xalıqara Säwdä Üzäge manaralarına häm Pentagonğa bärelü niätlären turında tulı mäğlümätkä iä bulğan dip belderde. Mzudinıñ advokatları ğäyeplänüçe mäxkamädä çığış yasamayaçaq dide. 11 Sentäbr waqiğalarına öleş kertkän başqa ber Morokkolı 6 ay elek 15 yıllıq törmä cäzasına xökem itelgän ide. Xakimiätlär äytüençä, 11 Sentäbrdä oçqıçlarnı üz qullarına alğan terrorçılarnıñ qayberläre Hamburgta yäşägän bulğan.

XS
SM
MD
LG