Accessibility links

якшәмбе, 11 декабрь 2016, Казан вакыты 05:16

İminlek Şurası Ğıraqnıñ idarä şurasın suverenlekkä taba adım dip xupladı.


BMOsı İminlek Şurası, AQŞnıñ Ğıraqta bilgelägän idarä şurası turındağı rezolutsiäne , Ğıraqnıñ suverenlegen torğızuğa taba atlanğan döres adım dip xuplap çıqtı. Ämma qayber äzğalar 1500nomerlı rezolutsiä AQŞ okupatsiäseneñ betü waqıtın bilgelämi dip qızğanıç belderde.Rezolutsiä Ğıraqta BMOnıñ yaña missiäsen açunı da raslıy. Bu bälkim dä Dönya Oyışmasınıñ Ğıraqta zurıraq rol uynauına kiterer digän ömedlär tudıra.

İminlek Şurasında kiçä 0-gä qarşı 14 tawış belän qabul itelgän rezolutsiä, ber ay elek oyıştırılğan Ğıraq idarä şurası öçen ışanıç tawışı alu bulıp tora. Syriäneñ tawış birüdän totılıp qalğan rezolutsiä, idarä şurasın Ğıraqnıñ wäqälätle oyışması itep tanımıy, ämma Ğıraqta suveren xökümät buldıruğa taba atlanğan möhim adım dip sanıy. AQŞnıñ Dönya Oyışmasındağı wäkile John Negroponte jurnalistlarğa, rezolutsiä Ğıraqnıñ sonğı çiktä üz idaräsenä taba yasalğan köçle progres işaräse bulıp tora dide. Negroponte süzlärençä(audio) rezolutsiä nindi deräcädä yaqlanaçaq digän söyläşülär buldı. Bez yaxşı qarşı alındı digän qaraştabız,anıñ yazılu stilı, BMO general sekretarı Kofi Annan kiñäşlären çağıldıra. AQŞ räsmiläre Ğıraqnıñ törle din, etnik , politik törkemnären wäkilllek itkän 25 keşedän torğan şura bilgeläde.Şuranıñ waqıtlı ministırlarnı bilgeläü, törle idarä eşlären alıp baru xoquqı bulsa da, anıñ qararlarına AQŞnıñ sivil administratsuiäse citäkçese Paul bremer veto quya ala. BMO räsmiläre qaraşınça şura älege waqıtta Ğıraqnı in küp wäkilçelek itkän oyışma bulıp tora . K.Annan da İminlek Şurasın anı yaqlap çığırğa çaqırğan ide. Başta äytkänemçä Syriä tawış birüdän totılıp qaldı, Anıñ BMOdağı wäkile Mixael Wehbe süzlärençä,ğıraqlılar ğına xökümätläreneñ legitimlığı turında qarar birä ala. Fransiä wäkile Michel Duclos rezolutsiädä Ğıraq üz idaräseneñ qaytuı turında waqıt bilgelängän bulırğa tieş ide dip äytte Meksikonıñ Dönya Oyışmasındağı ilçese Zinser isä İminlek Şurası Ğıraq oyışmasın räsmi räwäştä yaqlıy almıy, çönki ul waqıtlı administratsiä aftoritetı astında tora dip belderde.Törle fikerlär äytelsä dä ğomumän alğanda rezolutsiägä alğa taba atlanğan adım dip qarala. Germaniä ilçese Trautwein süzlärençä (audio) bezneñ qaraşıbızça rezolutsiä, BMO, xalıqara cämäğätçelek häm koalitsiäneñ waqıtlı idaräseneñ Ğıraqnı ekonomik yaqtan tözekländerü ,demokratik bäyälär , qanun tärtip urnaştırudağı cawaplılıqları arasında kübräk tängällekkä alıp barğan protsesnıñ başlanğıçı bulıp tora. 1500 nomerlı rezolutsiä Ğıraqta BMOnıñ yardäm missiäsen açunı da küzdä tota. Anda K. Annan açıqlağançı 300läp sivil keşe eşliäçäk. Ul humanitar eşlär belän şägellänäçäk.BMOnıñ Ğıraqtağı wäkile Sergio de Mello inde Ğıraqtağı waqıtlı administratsiä belän tığız xezmättäşlekkä kerde. Tışqı mönäsäbätlär şurasınnan belgeç David Philips fikernçä,BMOsı AQŞnıñ waqıtlı idaräse häm Ğıraq idarä şurasına yardänm itüdä töp rolne uynıyaçaq, Waşingtonnıñ tözekländerü tırışlıqların BMObelän büleşü teläge , xalıqara yaqlaunı arttıraçaq. David Philips rezolutsiä qıyınlıqlarnı büleşü häm törle xezmättäşleklärgä yul aça ,xezmätäşlekneñ in yuğarı noqtası üktäber ayında Ğıraq öçen yardäm konferensiäseneñ ütkärelüe bulaçaq , bu Ğıraqınıñ döres yüngä yünälüenä zur täsir yasayaçaq dip söyli.Ämma şuñı da äytergä kiräkter kiçä qabul itelgän 1500 nomerlı rezolutsiädä Fransiä häm başqa qayber illär bik tırışıp qarasalar da, BMOnıñ Ğıraqnı tözekländerü eşendä citäkçel rol uynayaçağı turında işarä yuq. Suğışqa qarşı bulğan Fransiä häm Hindistan ägär dä BMOna üzäk rol birelsä, bu küp kenä illärneñ Ğıraqqa tınıçlıq ğäskäriläre cibärüenä ilne tözekländerü öçen finans yardäm birüenä kiterer ide dip äyttelär.

färidä xämit, praga
XS
SM
MD
LG