Accessibility links

чәршәмбе, 7 декабрь 2016, Казан вакыты 11:42

Könyaq-könçığış Aziädä terror höcümnäre oyıştırğan Hambali qulğa alındı


AQŞ, Awstralia häm İndoneziä könyaq-könçığış Aziädä küpsanlı terror höcümnäre oyıştıruda şiklänelüçe Riduan bin İsomuddinıñ qulğa alınuına xuplaw belderde. Hambali quşamatı belän mäğlüm İsomuddinnıñ bu atnada Tailandta qulğa alınuı xäbär itelde. Ämma anıñ xäzer qayda buluı äytelmi. AQŞ räsmiläre äytüençä, Hambali - äl-Qaidä citäkçese Usama bin Ladennıñ berektäşe häm Cimaa İslamiä suğışçan törkeme citäkçese. Könyaq-könçığış Aziädäge bu törkem bıltır Balida bomba şartlatıp 202 keşene üterüdä ğäyeplänä. Ul qorbannarnıñ 88-e awstraliäle ide. Awstraliä tışqı eşlär ministrı Alexander Downer Hambalinıñ qulğa alınuın könyaq-könçığış Aziädä terrorğa qarşı köçle orım dip bäyäläde:

AUDİO: Awstraliä xökümäte Hambalinıñ qulğa alınuına bik qänäğät. Bu bäyäläp betergesez zur tärräqiät. Hambali könyaq-könçığış Aziäneñ Usama bin Ladenı ide.

AQŞ prezidentı George Bush Hambalinı mäğlüm üterüçe häm dönyanıñ ik qurqınıç terrorçılarınıñ berse dip atadı. Bali höcümennän tış Hambali bu aynıñ 5-endä Jakartadağı Marriott qunaqxanäsendä bomba şartlatunı oyıştıruda şiklänelä. Älege terror ğämäle 12 keşeneñ ğömeren özgän ide. Bügen İndoneziä politsiäse älege höcümdä qatnaşuda şiklänelgän keşe xulğa alındı dip belderde.

XS
SM
MD
LG