Accessibility links

шимбә, 3 декабрь 2016, Казан вакыты 05:29

Quşma Ştatlarda häm Kanadada elektr utı tä'minäte aqrınlap torğızıla


Kiçä bu illärneñ zur öleşendä elektr utı özelep 50 millionlap keşe utsız qalğan ide. Cirle keçkenä generatorlar yardäme belän New Yorktağı finans bazarı, xastaxanälär, törmälär häm hawa alannarı üz eşlären däwam itte. Ämma New Yorktağı başqa küp kenä qorılmalarğa ut birelmäde. Ut betüneñ säbäbe tögäl bilgele tügel. Xäzer bu problemanıñ Ohayo ştatında başlanğan buluı açıqlana dielä. Baştaraq ul New Yorkta yäki Kanadada başlanğan dip sanala ide. New York gubernatorı George Pataki ut birü yañartılğaç mondıy xällärneñ qabatlanuına yul quymas öçen tırışırğa kiräk dide:

AUDİO: Cawap taläp itüçe qayber awır sorawlar bar. Bu xäl bulırğa tieş tügel ide. Bezgä monıñ bulmayaçağı turında äykännär ide. Bez äle haman da monıñ qayda yäki nigä buluın häm ni öçen bu xälne buldırmasqa tieşle iminlek çaralarınıñ tağın eşlämäwen belmibez.

Ut Amerikanıñ New York, Detroit, Boston häm Klevelend, Kanadanıñ Toronto häm Ottava kebek töp şähärlärendä özelde. Kanada başqalası Ottavada ut beçkäç talawlar buluı turında xäbär itelä. Ämma ut özelgän başqa urınnarda andıy xällär buluı turında mäğlümät yuq.

XS
SM
MD
LG