Accessibility links

шимбә, 3 декабрь 2016, Казан вакыты 22:50

Ğıraqta sabotajlarnıñ axırı kürenmi


Atna azağında Ğıraqta 12 säğät eçendä Bagdadnıñ zur öleşen su belän tämin itkän ütkätgeç şartlatıldı, ilneñ tönyağında neft ütkärgeçenä yasalğan sabotaj belän ikençe yanğın başlatıldı häm törmägä yasalğan häcümdä 6 ğıraqlı üterelde, 60 yaralandı.Elek amerikan ğäskärilären genä hädäf itep alğan ğısyançılar xäzer , ekonomik sabotajlarğamı başladı digän borçılular bar.

Ğıraqta okupatsiä köçläre tik üzlärenä yünälderelgän höcümnär genä tügel,ä xäzer sabotajlarğa qarşı da köräşergä tieş. Sabotajçılar ilneñ tönyağında möhim neft ütkärgeçendä ikençe öleşne şartlatıp yanğınğa säbäp buldı. 3 kön eçendä ikençe sabotaj.AQŞ soldatları, injinerlar comğadan birle yanğınnı sünderegä tırışqanda şimbä tönnnä ikençese başlandı. Şulay itep çärşämbedä Törkiägä başlanğan neft eksportı tuqtaldı. Qayber belderülärgä qarağanda ütkärgeçne yañadan safqa kertü öeçn ike atna waqıt kiräk, ikençeläre ber niçä kön dip äytä. Bagdadta AQŞ sivil adminsitratorı Paul Bremer kiçä mätbuğat oçraşuında bolay digän ide ( AUDİO) Ğıraq bugen bik yarlı,moña 4 distä yıl Ğıraq iqtisadı belän şaqqattırlıq däräcädä xatalı idarä itü häm bugengä qädär däwam itkän politik sabotajlar şulsanda Kirkuk neft ütkärgeçenä ike kön elek yasalğan sabotaj säbäp bulıp tora. Bu Ğıraqlılarğa könenä 7 million dollar zarar kiterä. Neft ütkärgeçen şartlatu belän Ğıraq neften dönya bazarına çığaru kiçekte älbättä. AQŞ räsmiläre infrastrukaturanıñ iske buluına qaramastan yıl azaqlarında könenä ber million miçkä neft ekspeort iteläçäk dip uylağan ide. Könyaqta ta neft Farsı Qultığına cünläp aqmıy , anda yış qına özezgän elektr barlıq eşlärne totqarlıy. Quyılğan mäqsatqa ireşü, könenä 600meñ miçkä neft eksportlau älegä xıyal bulıp tora. AQŞ räsmiläre Ğıraq neften häm başqa resurslarnı saqlau öçen quldan kilgän här närsä eşlänä dip belderä. Süzçe Charles Heatly neft Ğıraqnı tözekländerü häm başqa xezmätlär öçen kiräkle kerem genä tügel ä ul eçtä istiğmal öçen dä kiräkle , ütkärgeçlärne saqlau bezneñ öçen prioritet bulıp tora dip äytep tağı bolay dide (AUDİO) älege waqıtta 5meñ 500 ğıraqlı personal neft infrastrukturasın şulsanda neft qoyıları, eşkärtü zavodları , ütkärgeçlärne häm älbättä elektr çığarğan urınnarnı saqlıy Heatly östäp ber çit il şirkäte belän tözelgän kontrakt östämä 6meñ 500 ğıraqlı saqçını eşkä alu mömkinçelegen tudıra ,alar 150 punktnı saqlayçaq dip belderde.Höcümnär neft ütkärgeçenä genä yasalmıy yäkşämbedä Bagdadtnıñ möhim su ütkärgeçe şartlatılıp, şähärneñ ber öleşen su bastı, 300meñläp keşe 50derece essedä susuz utırdı.Başqalada äle dä könenä 12 säğät kenä elektr birelä. Bagdad yanındağı törmägä häcüm itep 6 ğıraqlını üterü, 60ın yaralaunıñ artında nindi mäqsat yata torğandır, moñı amerikannnar da ğıraqlılar üzläre dä añlata almıy. Törmägä yasalğan höcümnän soñ, waqıyğä urınına kilep videoğa töşärä başlağan Reuter operatorı Mazen Dananı , tanktağı amerikan soldatları üzlärenä granatomet belän häcümgä äzerlänüçe ğıraqlı dip uylap atıp üterä. Fälästinle Mazen Dananıñ üterelüe NYta urnaşqan jurnalistlarnı yaqlau komitetı şulayuq Venadağı Xalıqara Mätbuğat İnstitutnıñ reaksiäsenä säbäp buldı. Alar insident tikşerelergä tieş dip taläp itä.Ğıraqta yaralanğan, häläk bulğan ğäskärilär turında här kön xabärlär kilep tora.Okupatsiä köçläre sabotajlarnı , üterülärne Säddämgä turılıqlı keşelär, yäki Baath partiäse qaldıqları oyıştıra dip beldergändä, AlCäzirä televidiniäse üzen Ğıraqlı İslam Qarşılq Kürsätü Xäräkäte dip atağan törkemneñ vidio tasmasın kürsätte.Tasmada Ğıraq qarşılıq kürsätü xäräkäteneñ eçke frotta nigezle progress yasauı häm doşmannı saqlanu pozitsiäsenä quyuı turında äytelä.Bälkim dä okupatsion köçlär neft ütkärgeçlären saqlau eşen Saddam waqıtında bulğan kebek ütkärgeçlärgä yaqın yäşägän qabilälärgä tapşırırğa, şeyxlärgä eleke privilegiälären birergä mäcbür bulaçaq

färidä xämit, praga
XS
SM
MD
LG