Accessibility links

чәршәмбе, 7 декабрь 2016, Казан вакыты 23:30

Howard: Qıtay Tönyaq Koreağa basım yasarğa tieş


Avstralia premier-minıstrı John Howard, Qıtaynı, Tönyaq Koreağa basım yasarğa çaqırdı. Bügen Pekinda Qıtay premierı Wen Jiabao belän bulğan oçraşudan soñ, ul Tönyaq Koeranıñ atom programmasın bar dönyağa citdi yanaw dip atadı:

Audio: "Qıtaydan da möximräk il yuq. Anıñ Tönyaq Koreağa bulğan yoğıntısı, başqa illärnekennän zurraq, häm ul bu mäsälädä uñay häm konstruktiv rol uynadı."

Bügen Rusiä Tışqı eşlär ministrı urınbasarı Sergei Kislyak, Tönyaq Korea mäsäläsendä kiñäşmädä qatnaşu öçen Waşingtonğa kitte. Şuşı ay axırında Pekinda 6 däwlät qatnaşında Tönyaq Koreanıñ atom programmasına bağışlanğan söyläşülär ütäçäk. 3 könlek bu söyläşülärdä Quşma Ştatlar, Rusiä, Yaponiä, Qıtay häm 2 Koreanıñ da wäkilläre qatnaşaçaq.

Bügen räsmi Pxenyan, Quşma Ştatlarnı "xöcüm itmäw turında" Pakt imzalarğa, häm Tönyaq Koreanıñ tışqı säwdäsenä ayaq çalmasqa süz birergä öndäde, yuq isä, Pekin söyläşülärendä, atom qoralın sütmiäçägen iğlan itü belän kisätte.

XS
SM
MD
LG