Accessibility links

чәршәмбе, 7 декабрь 2016, Казан вакыты 13:29

İminlek Şurası Liviägä quyılğan sanksiälärne köçtän çığarırğa cıyına, Fransiä qarşılıq kürsätäçäkme?


<iLiviä 1988nçe yılda bombalağan oçqıç öçen cawaplılıqnı üz östenö alıp ,2 miliard 700million dollar kompensatsiä tülärgä riza bulıp häm terrorizmnı xökem itep çığıp BMO İminlek Şurası quyğan şartlarnı ütägän buldı.Britaniäneñ kiçä Liviegä quyılğan sanksiälärne köçtän çığaru buyınca täqdim itkän rezolutsiä proyektı İminlek Şurasında Fransiäneñ qarşılıq kürsätüenä säbäp bulaçaq dip kötelä </i

Ütkän atnada Liviä1988nçe yılda Şotlandiädä Lockerbie östendä Pan Am oçqıçın şartlatu cawaplılığın üz östenä alıp 270qorbannıñ yaqınnarına 2 milliard 700 million dollar kompensatsiä tülärgä riza buldı, bu inde Lockerbi qorbannarı ğailälärenä 5 belän 10million dollar arasında aqça tülänäçäk digän süz. Liviäneñ İminlek Şurası quyğan taläplärne ütäwe belän aña quyılğan sanksiälär dä köçtän çığarılırğa tieş.Kiçä Britaniäneñ BMOdağı wäkile Jones Parry jurnalitslarğa bolay dip söyläde(audio) min Britaniä häm AQŞ xökümätläre qaraşınça Liviä iminlek şurası bilgelägän şartlarnı ütäde dip yazılğan xatnı şura prezidentına tapşırdım Parry süzlärenä däwam itep :bez rezolutrsiä proyektınıñ tizlektä tawışqa quyuın telär idek, bu bigräk tä ğailälär öçen ozaqqa suzılğan, qıyın söyläşülär buldı, bez İminlek Şurasnıñ elek bilgelägän şartlar raslandı dip ışanabız dide.Şura proyektnı irtägä tikşerä başlap, atna azağında tawışqa quya ala :Ämma dä läkin eşlär şoma ğına barmas şikelle .Fransiäneñ BMOdağı ilçeseneñ urınbasarı Michel Duclo bez terror qorbannarı diskriminatsiälänmäskä tieş digän prinsıpta ber nindi dä taşlamalar yasarğa cıyınmıybız dip belderde. Michel Duclo bu süzläre belän 1999nçe yılda Liviä belän ireşelgän kileşügä işarä itkän buldı. Ul çaqta Liviä 1989nçe yılda Nigeriädä bärep töşergän fransuz oçqıçında häläk bulğan 170keşeneñ ğailälärenä 33million dollar ğına tülägän ide. qorban ğailälärenä 200meñ dollar ğına turı kilde, Lockerbie qorbannarına tülänäçäk 5 belän 10 million dollar kompensatsiäne küzdä totqanda bik keçkenä summa älbättä bu .Fransiä tışqı eşlär ministırı Dominique De Villepin atna azağında alman, amerikan ,britan häm liviäle kollegalarına şaltıratıp bu turıda säyläşte. Fransuz mätbuğatı anglo-saxon qorbannarınıñ bäyäse fransuzlarğa qarağanda yuğarıraqmı digän soraular quyğanda, Liviä bez bu mäsäläne Fransiä belän xäl qıldıq, bu yabılğan tämamlanğan eş, bezgä şantaj yasalıuna röxsät itmiäçäkbez dip belderä. Fransiäneñ rezolutsiälärgä veto quyu xoquqı bulsa da , ul şulay eşläp , xalıqara cämäğätçelekneñ açuın çığarğançı, ike märtäbä uylap qarar dip kötergä kiräk.Ayruça tışqı eşlär ministırlığı, Liviä belän söyläşülärdä progress bar dip belderde .İminlek Şurasında AQŞ rezolutsiä proyektın yaqlapmı tawış birer, ällä tawış birüdän totılıpmı qalır anısın älegä belmibez. Ämma dä läkin Waşington üzeneñ Tripoligä quyğan sanksiälärne tiz genä köçtän çığarırğa cıyınmağan kebek , Liviäne terrornı yaqlauçı illär isemlegennän dä sızıp taşlarğa cıyınmıy.M.Qadafi çınnan da terrornı yaqlaudan wazkiçkän bulsa, moñı möğcizä dip atarğa kiräger. Dönyadağı başqa terrorçlar Qadafigä qarap, bälkim alar da citärlek ozaq möddät kötep , aqça tüläsälär häm terrornı xökem itergä qarar birsälär , cämäğätçelek alarğa yañadan xörmät belän qarıyaçaq dip uylıy başlayaçaq.

färidä xämit, praga
XS
SM
MD
LG