Accessibility links

шимбә, 10 декабрь 2016, Казан вакыты 09:50

Tatarstan oçqıçları - “MAKС-2003” aviatsiä-ğaläm salonında...


Mäskäw astındağı Jukovskiyda 19nçı avgusttan 20nçe avgustqa qädär ütäçäk xalıqara aviatsiä-ğäläm salonın Qazan oçqıçlarınıñ kürsätkeç oçışları aça, dip xäbär ittelär räsmi mäğlümat çaraları. Alay uq bulmasa da älege salonda qazan oçqıçları häm boralaqları qatnaşalar. “MAKС-2003” salonı açılır aldınnan qazan oçqıçları danlıqlı “Миг”, “Су” oçqıçları belän ber rättä tordılar. Açu tantanasına kilgän Rusiä prezidentı Vladimir Putin Qazanda yasala torğan “Tu-160” bombardirovşçiğına häm “Tu-214” passajir oçqıçına iğtibar itte didelär federal' televidenie tapşırularında. Äye, Tatarstan aviatözüçeläre bazar şartlarında da xalıqara taläplärgä turı kilerlek dönya bazarına çığarırlıq oçqıçlar, boralaqlar citeşterü säläten saqlap qala aldı. Älbättä, bu ciñel bulmadı. Şul uq, “Big fayer” dip, dönyanı şaqqatırğan “Tu-160” oçqıçına da xärbilär zakaz birmi başlağannar ide. Äle küptän tügel genä anı modernizatsiäläwgä zakaz alındı. Ä “Tu-214” oçqıçı yazmışı niçä yıllar qıl östendä genä tordı. Eçke bazarda da köç-xäl belän genä lizing sisteması belän anı urnaştıra başladılar. Mäğlüm ki, ike “Tu-214” oçqıçı “Дальавиа” şirkätendä faydalanıla. Äle küptän tügel genä şulay uq bu oçqıçlarğa da yaña xucalar tabıla başladı. Tağın öç oçqıçqa zakaz alınğan.“Tu-214” oçqıçlarınıñ yomşaq yağı - motor. Küptän tügel ber matbuğat oçraşuında, 2006nçı yılda bu oçqıçlarğa “Rols Roys” tibındağı motorlar citeşterelä başlayaçaq häm bu problema xäl iteläçäk, dip belderelgän ide. Ä inde “Mi-17” häm “Ansat” boralaqları belän, äytkändäy, ezleklelek yuq. Çit illärdän dä, BDB illärennän dä Qazan boralaqların satıp aluçılar da häm satıp alırğa tezläwçelär dä özlegep tormıy.

XS
SM
MD
LG