Accessibility links

сишәмбе, 6 декабрь 2016, Казан вакыты 15:18

Bıyıl Tatarstanda ikmäk aşarğa da, satarğa da citärlek bula...


Bıyıl Tatarstan ikmäge dä dönya bazarına çığarılırğa mömkin. Auropada bıyıl hawa şartları naçar kilüe säbäple sıyfatlı aşlıq qıtlığı ikän. Tovar birjalarında aşlıq bäyäse kütärelü tendensiäse küzätelä ikän. Ä Rusiädä bıyıl aşlıq uñışı ,äytkändäy, urtaçadan artığraq kötelä. Döres Rusiäneñ “aşlıq ambarı”-Stavropol'yedä urıp-cıyu tämamlanıp kilä häm anda uñış uzğan yılğıdan 1,5 tapqırğa kimräk ikän. Läkin Rusiä zur. Anıñ Sebere häm Tatarstan kebek üzäge bar. Tatarstanda da bıyıl awıl xucalığına yıl uñaylı kilmäde. Uñışqa farazlar äybät äybäten, läkin yañğırlar arqasında urıp cıyu ike atnağa soñarıp bara. Ministrlar Kabinetınıñ atnalıq sişämbe brifingı Tatarstanda urıp cıyu eşläre barışına bağışlandı. Awıl xucalığı ministrlığı, respubliкa azıq-tölek korporatsiäse häm “Tatarxleboprodukt” berläşmäse citäkçelege jurnalistlarğa urıp cıyu barışı häm aşlıq bazarındağı wäzğiät turında söylädelär. Äye, xäzerge köngä Tatarstanda aşlıq mäydannarınıñ barı tik 1/3 öleşe genä urıp cıyıp suqtırılğan. Uñış, farazlağança, äybät. Xäzergä urtaça gektardan 28 sentner çaması suqtırıla. Bıyıl aşlıq xucalıqlardan bodaynıñ tonnası 3200- 3600 sumnan, ä arış 1000-1200 sumnan satıp alına. Bu uzğan yıldan 50 protsentqa artığraq digän süz. Şulay itep, awıl xucalığınıñ tovar kreditları qaytarılıp, burıçlar qaplanıp, tabışqa eşläwgä küçeler, dip farazlana. Tatarstanlılar östälenä awıl xucalığı xezmätkärläre bıyıl 450 meñ tonna aşlıq bodayı täqdim itä. Awıl xucalığı ministrı urınbasarı Tahir Hadiev söyli. Şulay itep, eçke bazarda aşlıq citärlek bula. İnde Tatarstanğa Uкrainadan aşlıq sorap kilüçelär dä bar. Xäzergä tonnasına 100 dollar täqdim itälär ikän. Tatarstan mondıy bäyägä çitkä aşlıq satarğa cıyınmıy. Älbättä, awıl xucalığında eşläwçelär öçen bu quanıçlı xällär. Läkin xalıq öçen iñ qızıqsındırğan mäs'älä – ul ikmäk bäyäläre. Pavlov reformasına qädär kirpeçle arış ipie 16 tien tora ide, ä tramvay biletı 3 tien. Sişämbe könne Qazanda şähär transportı bäyäläre arttı. Xäzer tramvay, trolleybus biletı 5 sum tora. Kibettä şul uq kirpeçle arış ikmäge 7 sum 40 tien tora. Älbättä, ikmäk bäyälären arttırırğa waqıt citkän. Brifingtan soñ mikrofonnar sünderelgäç, ber citäkçe, älbättä, wäzğiät ikmäk bäyälären arttırunı taläp itä, läkin xäzergä ikmäk bäyäläre artmayaçaq, monısı säyäsät, dide.

Yunıs Ätnäle

XS
SM
MD
LG