Accessibility links

шимбә, 3 декабрь 2016, Казан вакыты 22:57

İjawda kübräk malaylar tua


Ütkän ğasırnın tuqsanınçı yıllarında yäşäw öçen şartlar qıyınlaşuı näticäsendä balalar tuuı kimede. Ağımdağı yılda ğailälärdä balalar tudıruğa niçekräk qarıylar soñ. Bu mes'eleğä İjau şähäreneñ Lenin rayonı zags citäkçese Älfiä Äxmät qızı Kaşapova açıqlıq kertte. Ul soñğı öç yılda balalar tuuı sanı usä dip başladı suzen. 2001—nçe yılda barlığı 1288 bala tusa, 2002—nçe yılda inde 1495 bala dönyağa kilde. Ağımdağı yılnıñ berençe yartısnda 766 bala tuuı terkälgän. Tağın şunı da iskärep ütäm — yıldan yıl ig balalar qubräk tua ikän. 2001—nçe yılda tuğan balalar arasında qızlarğa qarağanda 35 malayğa qubreq tuğan, bıyılnıñ yartı yılınıñ sannarına quz salsaq — şulay uq ir balalarnıñ tağın artıq buluı qurenä — 766 balanıñ durt yeze malay. Balağa isem saylaw mes'elesendä dä üzgäreşlär sizelä. Ütkän ğasırnıñ azağında äti—änilär balalarına kübräk teleseriallar geroyları isemnären birsä, xezer tatar isemnärenä östenlek birä. 2001—nçe yılda tuğan häm Lenin rayonı zags belegendä terkälgän balalarğa quşılğan isemnärgä quz salsaq — ir balalarğa birelgän isemnärdän iñ yış oçrağanı Ruslan, 14 ğailede bu isemgä östenlek birelgän, Damir,Al'bert, Marat, Azat, Ämir, Qamil, Ramil kebek isemnärdä yış oçrıy. Qızlarğa qubreq Alina iseme birelgän, utkän yılda 10 qızçıqqa elege isem quşılğan, şulay uq Aliä, Aygöl', Azaliä, Alsu, Läysän, Adelya kebek isemnärne yış birälär. Matur yäñğırayışlı, ciñel genä äyteleşle Rämzil, Şamil,Ayrat, Aydan, İl'dus, Salawat, Fänis, xem Gölşat, Zölfiä, Dilärä, Rauşaniä, Rezeda, Gölnara, Sömbel kebek qızlar isemnären nänilärenä ata—analar bik sireq saylağannar. Şul uq waqıtta elek—elektän balağa quşılğan isemnär de oçrıy. Bolar — Äxmätzıyä, Bulat,İslam, Rawşan, Ramazan, Äminä, Märziä, Mädinä, Asiä, Ayşa. Äle sanap utkän isemnärne sabıylarına tatar ğailälärendä birälär, şul uq waqıtta bu isemnärne qatnaş ğailelärdä tuğan balağa da saylıylar. Älfiä xanım äñgämäbezdä ğailä suzen yış telgä aldı, şuña da zags bülegendä tulı bulmağan ğailälärdä tuğan balalar sanın da terkäp, xisapqa alasızmı, dip qızıqsındım. Audio « beznen andıy sannarda bar. Meselen, 2001—nçe yılda yalğız xatınnar 347 bala tudırsa, 2002—nçe yılda 292 ana balasın yalğız tärbiälärgä niätläp taba. Şulay uq bez yäşusmer analar tudırğan balalar sanın da isäpläp barabız. 2001—nçe yılda 44 yäşusmer ana bala kiterğen, 2002—nçe yılda — 28 xatın—qız zakonda qaralğança 18 yäşe tulmıyça bala tapqan. Ağımdağı yılnıñ berençe kvartalında tuğan 70 balanıñ ätise yuq häm räsmi nikaxlaşmağan ğailäde 162 sabıy tuğan» Qızğanıçqa qarşı, soñğı yıllarda räsmi nikäxsız ğailälär sanı arta, dip däwam itte suzen Älfiä xanım Kaşapova. Ul, «… ölkännärgä balalarnıñ kiläçäktä xoquqları turında uylap eş itsennär ide diğen teläkne citkeräsem kilä», dide. Qayseber waqıtta — xatın—qız berençe ire belän zakonlı räweştä araların özmiçä, başqa ir belen yäşi başlıy, hem bu räsmiläşterelmägän ğailädä tuğan balanıñ atası grafasında yaña ireneñ isemen yazunı sorıy. Qanunda mondıy oçraqlar qaralmağan, çönki balanı terkägändä iñ berençe çiratta ana keşegä meditsina uçrejdeniäse tarafınnan birelgän beleşmä, anıñ pasportı xem balanıñ atasınıñ pasportı, ğailä terkälüe turındağı tanıqlıq nigezendä balanı terkäw qaralğan. Tormışta törle xällär tuuı mömkin. Bu oçraqta balanıñ xoquqın yaqlap qalu qıyın bulaçaq dip añlattı Älfiä Äxmät qızı Kaşapova

Xamidä Ğayfullina, İjaw

XS
SM
MD
LG