Berläşkän Millätlär Oyışması zur qayğı kiçerä - sişämbe Bagdadta bulğan şartlaw näticäsendä anıñ iñ täcribäle diplomatlarınnan berse, BMO general'' sekretareneñ Ğiraqtağı maxsus wäkile Sergio Vieira de Mello hälak buldı. Şuşı yuğaltu Berläşkän Millätlärneñ Ğiraqtağı role soñğı aralarda şaqtıy arta barğan çorğa turı kilde, de Mello bu eşendä barı tik 3 ay ğına bulsa da, ul Berläşkän Millätlärne Ğiraqta säyäsi mäs''älälärne xäl itügä qatnaştıru ölkäsendä zur uñışqa ireşkän ide. Şuşı eşendä ul ildäge amerikan xärbiläre genä tügel, Ğiraq keşeläre arasında da olı ışanıç qazandı. Sişämbe höcümeneñ ni öçen näq menä BMO wäkillegenä qarşı yasaluwı berençe qaraşqa añlaşılıp ta betmi, bu oyışma Ğiraqta barı tik humanitar häm tormışnı cayğa salu eşläre belän genä şöğellänä. Şartlawnı oyıştıru öçen dä cawaplılıqnı älegä berkem dä üz östenä almadı. Läkin bu, Ğiraq xalqın qurqıtu, amerikan ğäskärläreneñ anda berni dä eşli almawın kürsätü maqsatında eşlänä ala. Küptän tügel genä näq şundıy uq şartlaw Bagdadtağı iordan ilçelege qarşında da oyıştırlğan ide. Anda da Ğiraqtağı xärbi eşlärgä bernindi qatnaşı bulmağan ğadi keşelär hälak buldı. Soñğı höcüm Quşma Ştatlarnı da, xäzer inde Berläşkän Millätlärne dä Ğiraqta iminlek urnaştıruğa wä ilne torğızuğa tağın nığraq iğtibar birügä etärä. Çärşämbedä Şvetsiä başqalası Stockholmda uzğan matbuğat oçraşuwında BMO general'' sekretare Kofi Annan, oyışma xäzer inde üzeneñ Ğiraqtağı wäkillären annan çığaraçaqmı digän sorawğa, bar mömkinleklär dä tikşerelä disä dä, Berläşkän Millätlär Saddamnan soñğı Ğiraqta qalırğa tieş dip belderde.
Audio, Kofi Annan
"Berläşkän Millätlärneñ Ğiraqta äle qalğan wäkilläre küp häm bez üz eşebezne anda däwam itäçäkbez, şuşı mäğnäsez häm yırtqıçlarça eşlängän ğämäl bezneñ omtılışlarğa zian kiterergä tieş tügel" di Berläşkän Millätlärneñ general'' sekretare Kofi Annan. Sişämbe kiçen anıñ matbuğat wäkile Fred Eckard, ä annarı Annannıñ urınbasarı Şaşi Tharoor, Berläşkän Millätlär xäzer üzeneñ Ğiraqtağı eşçänlegen yañadan küzdän kiçerep çığarğa tieş dip äytkän ide. Eckard üz belderüwendä de Mello ülemen bar Berläşkän Millätlär öçen zur ber tetränü dip atadı.
Audio, Fred Eckard
"Bar eşçänlege däwerendä ul, xalıqlarnıñ cäfalanuwın ciñeläytergä tırışqan keşeçelek xezmätkäre buldı, alarğa nizaqların xäl itep, suğıştan azaplanğan cämğiatlären torğızuğa yardäm itte" di märxüm Sergio Vieira de Mello turında Fred Eckard. De Mello Ğiraq wäkile itep may ayında bilgelängän ide, aña qädär ul Berläşkän Millätlärneñ keşe xoquqların bağuçı maxsus komissarı buldı, ä 1999-nçı yılda BMOnıñ Kosovo wäkile bulıp xezmät itte. Ul Berläşkän Millätlär tarixında 1948-nçe yıldan birle üterelgän iñ yuğarı däräcäle citäkçe bulıp tora.
Kärim Kamal, Praga
Audio, Kofi Annan
"Berläşkän Millätlärneñ Ğiraqta äle qalğan wäkilläre küp häm bez üz eşebezne anda däwam itäçäkbez, şuşı mäğnäsez häm yırtqıçlarça eşlängän ğämäl bezneñ omtılışlarğa zian kiterergä tieş tügel" di Berläşkän Millätlärneñ general'' sekretare Kofi Annan. Sişämbe kiçen anıñ matbuğat wäkile Fred Eckard, ä annarı Annannıñ urınbasarı Şaşi Tharoor, Berläşkän Millätlär xäzer üzeneñ Ğiraqtağı eşçänlegen yañadan küzdän kiçerep çığarğa tieş dip äytkän ide. Eckard üz belderüwendä de Mello ülemen bar Berläşkän Millätlär öçen zur ber tetränü dip atadı.
Audio, Fred Eckard
"Bar eşçänlege däwerendä ul, xalıqlarnıñ cäfalanuwın ciñeläytergä tırışqan keşeçelek xezmätkäre buldı, alarğa nizaqların xäl itep, suğıştan azaplanğan cämğiatlären torğızuğa yardäm itte" di märxüm Sergio Vieira de Mello turında Fred Eckard. De Mello Ğiraq wäkile itep may ayında bilgelängän ide, aña qädär ul Berläşkän Millätlärneñ keşe xoquqların bağuçı maxsus komissarı buldı, ä 1999-nçı yılda BMOnıñ Kosovo wäkile bulıp xezmät itte. Ul Berläşkän Millätlär tarixında 1948-nçe yıldan birle üterelgän iñ yuğarı däräcäle citäkçe bulıp tora.
Kärim Kamal, Praga