Accessibility links

шимбә, 10 декабрь 2016, Казан вакыты 17:56

İminlek Şurasında Ğıraqta BMOnıñ role turında söyläşülär


AQŞları BMO İminlek Şurası äğzaları belän Ğıraqta iminlekne nığıtu turındağı rezolutsiä östendä räsmi söyläşülär başlap cibärde. Şura äğzalarınıñ küpçelege Ğıraqta BMOnıñ manadatın küñäytergä teläwlärenä işarä itte. Ämma AQŞ räsmiläre Ğıraqta kontrolne BMOğa tapşırırğa äzer tügel.

BMO İminlek Şurasında älege waqıtta Ğıraq turında qızu söyläşülär bara. Moña Bagdadtağı BMO başkwartirasınıñ bombalanuı säbäp buldı.Şurağa äğza 15 il wäkilläre atnakiçtä Ğıraqta iminlek mäsäläsenä qarağan yaña rezolutsiä proyektı turında söyläşä başladı.Şura sişämbedäge häcümne terror aktı dip xökem itte häm BMOsı Ğıraqta tözekländerü eşlärenä däwam itäçäk dip belderde. Ämma Ğıraq belän idarä itkän koalitsion köçlär AQŞ belän Britaniä häm qalğan äğzalar arasında BMOnıñ role turında zur fiker ayırmalıqları bar.Yaña rezolutsiä proyektında Ğıraqta iminlek urnaştıru vä tözekländerü öçen xalıqara yardämgä ixtiaç bar dip basım yasalsa da, AQŞları Ğıraqta urnaştırılaçaq här törle köçne kontrol itäçäk dip äytelä.Şura äğzalarınıñ küpçelege äytkänemçä BMOnıñ role kiñäytelergä tieş digän pozitsiädä tora. Fransiä ,Hindistan BMOnıñ mandatı kiñäytelmäsä , Ğıraqtağı xalıqara köçlärgä ğäskärilär cibärmiäçäkbez dip belderde.Fransiä ilçeseneñ urınbasarı Michel Duclos süzlärençä, Ğıraqtağı qıyınlıqlarnı bülüşü mäğlümät häm xakimiätne dä büleşü kiräklegen añlata. Ul şulayuq Ğıraqta xärbi okupatsiäne beterü waqıtın da bilgeläp quyarğa kiräk dip äytep, Şuranıñ başqa äğzalarınıñ da teläklären telgä alğan buldı.Germaniä Ğıraqta politik reformalar eşendä yardäm itmäkçe bula. Germaniä ilçeseneñ urınbasarı Wolfgang Trautwein bolay dip äytte(audio) BMOnıñ role nığıtılsa , aña ışanıç artaçaq ul cirle, regional häm xalıqara yaqlau qazanaçaq. Atnakiçtä däwlät sekretarı C.Powell general sekretar K.Annan belän oçraşıp, BMOnıñ başlıça humanitar yardäm belän şögellängän Ğıraqtağı xezmätkärläreneñ iminlegen tämin itü turında söyläşte.Powell jurnalistlarğa xakimiätne BMOğa tapşıru turında süz bulmadı, koalitsion köçlärdä törle illär soldatları bar, 30il 22meñ xärbi cibärergä wäğdä itte dip söyläde Powell (audio) Bez äğza illärne kübräk eşläw, yardämgä çaqıru öçen rezolutsiäneñ yazılu räweşenä iqtibar itäbez .Prezident BMOnıñ möhim rol uynarğa tieşlegenä ışana häm ul moñı täqrarlap äytte .BMO möhim rol uynıy. Sergio De mello häm anıñ kollegaları möhim eşlär başqara ide.Bez İminlek Şurasında kollegalar belän rezolutsiäneñ yazılu forması , döres süzlär tabu belän şägellänäbez. Sergio de Mello Bagdadta BMO başkvartirasınıñ şartlatıluı näticäsendä 23 kollegası belän bergä häläk buldı. Ul Ğıraqnıñ politik reformalarında arta barğan möhim rol uynadı häm xakimiätneñ tizlektä ğıraqlılarğa tapşırıluı öçen koalitsiägä basım yasadı. K.Annan BMO Ğıraqnı säyäsi häm iqtisadi tözekländerüdä aktiv bulıp qalaçaq disä dä, iminlek öçen koalitsiä cawaplı bulaçaq dip belderde K.Annan (audio)totrıqsız, xaos xälendäge Ğıraq töbäk yäki Dönya faydasına turı kilmi, stabillıqnı garantiäläw bezneñ cawaplılıq. Bagdadta BMO binasın bombalau dönya külämendä nefrät uyatsa da ,elek suğışqa qarşı bulğan Fransiä, Germaniä ,Russiä kebek illär atnakiçtä krizis pozitsiäbezne üzgärtmäde bez Ğıraqnı tözekländerüdä BMO möhim rol uynarğa tieş dip taläp itergä däwam itäbez dip añlarğa birdelär

färidä xämit,praga
XS
SM
MD
LG