Accessibility links

якшәмбе, 11 декабрь 2016, Казан вакыты 03:25

Tatarstanda Ğamil Afzal häm Rafail Sibat belän xuşlaştılar...


Respublikadağı uzıp baruçı atnanıñ mädäni tormışına küzätüne qayğılı xäbärlärdän başlıybız, xörmätle tıñlawçılar. Tatar ädäbiäte bu könnärdä zur yuğaltularğa duçar buldı. 20nçe avgustta qatı awırudan soñ dönyadan Tatarstannıñ xalıq şağire Ğamil Afzal kitte. Ul 1921nçe yılda Aqtanış rayonınıñ Taqtalaçıq awılında tua. Şiğri talantı ayıruça uzğan ğasırnıñ 50-70nçe yıllarında açılğan Ğamil Afzal – tatar poeziäsendä yaña kiñleklär açuçı şäxes. Anıñ ütken, satirik äsärlären uquçılar da yarattı, tänqitçelär dä iğtibarsız qaldırmadılar. 1977nçe yılda şağir Tatarstannıñ Ğabdulla Tuqay isemendäge däwlät premiäsenä layıq buldı, 1991nçe yılda ul respublikanıñ Xalıq şağire isemen aldı. Ğamil Afzal ozaq yıllar Älmät şähärendä yäşäp icat itte, şähärneñ icadi oyışmalarınıñ eşçänlegendä aktiv qatnaştı. Anıñ belän sawbullaşu da comğa könne Älmät şähärendä ütte. Şuşı uq könnärdä Kirov ölkäseneñ Tübän Şön awılında yäşäp icat itüçe Rafail Sibat wafat buldı. Äle 60 yäşen dä tutırmağan Rafail Sibatnı tatar ädäbiäte häm sänğäte belän tanış keşe üzençälekle şağir, sälätle prozaik, publitsist, tänqitçe häm tärcemäçe bularaq belä ide. Anıñ äsärläre respublikanıñ bar diärlek tatar telen çığıp kilüçe basmalarında, ayırım basmalar bulıp dönya kürep, uquçılarnıñ mäxäbbäten yawladı. Üzeneñ fidaqär xezmäte öçen ul Ğayaz İsxaqi premiäsenä layıq buldı. Rafail Sibat belän Ğamil Afzalnıñ yaqtı istälege häm alar yazğan äsärlär tatar xalqı küñelendä mäñge saqlanır.

XS
SM
MD
LG