Accessibility links

шимбә, 10 декабрь 2016, Казан вакыты 21:32

Teatr ostalarınıñ icat yortı bulırmı?


Qazannıñ Kürgäzmälär zalında 30nçı avgust – Respublika könenä bağışlanğan kürgäzmä eşläp kilä. Nigezdä bu kürgäzmä respublika rässamnarınıñ iske, tamaşaçılarğa inde berniçä qat kürsätkän äsärlärdän tuplanğan. Xäyer, yaña räsemnär dä yuq tügel. Kürgäzmä belän tanışuçılarnıñ ayıruça iğtibarın Känäfi Nafikovnıñ Xörriät äsäre cälep itä. Xäyer, tatar xalqınıñ möstäqillekkä omtılışın çağıldırğan bu äsär, belgeçlär fikerençä, ällä ni zur qızıqsınu uyatırlıq räsem tügel ikän.

Qazannıñ Ğäliäskär Kamal teatrında tanılğan cırçı Salawatnıñ konsertları däwam itä. Alar inde 11nçe avgusttan birle baruğa da qaramastan, teatr zalı haman da tulı, anda utırırğa tügel, basıp torırğa da urın tabuı qıyın. Tänqitçelär yäisä sänğät belgeçläre ni genä dimäsen, xalıq Salawatnı, anıñ icatın yarata. Cırçı konsertlarınıñ tağın ber üzençälege – anda, xalıq äytmeşli, äbilär dä, bäbilär dä yaratıp yöri. Şunısın da äytergä kiräk, tamaşaçılar Salawatnıñ üzen genä tügel, ä ul berençe märtäbä säxnägä alıp çıqqan yäş cırçılarnı – anıñ studentların da bik äybät qarşı alalar.

Tizdän Qazan yanındağı Vasil’evo şifaxanäse tiräsendä respublikanıñ teatr xezmätkärläreneñ icat yortı açılaçaq. Älege icat yortı turında süzlär inde küptän yöri ide. Bu ideya belän rejisser Marsel’ Sälimcanov çıqqan ide. Nihayät bu başlanğıç axırına citep kilä kebek. 2003nçe yılnıñ ğinwar ayınnan birle şifaxanäneñ ber iske binasında tözekländerü eşläre alıp barıla. Bu eşne Tatarstannıñ Mädäniät ministrlığı finanslıy. İcat yortı bäyräm könnärendä, avgust axırında açılır dip kötelsä dä, ministrlıq wäkilläre bezgä üzäk açılunıñ tögäl könen äytä almadılar. Xäyer, eşlär tizdän tämamlanaçaq, yaqın arada icat yortı üzeneñ berençe qunaqların qabul itär, dip belderdelär anda. Älege üzäk kürenekle rejisser Marsel’ Sälimcanov isemen yörtäçäk. Respublikanıñ säxnä ostaları monda üzläreneñ icadi oçraşuların ütkäräçäklär, yaña äsärlärne tikşerep, fikerlären urtaqlaşaçaqlar, yal itep, sälämätleklären nığıtaçaqlar.

Gölnaz İlgizär

XS
SM
MD
LG