Accessibility links

Кайнар хәбәр

"Tatar däwläte bulğan häm bulaçaq!" <br>30 avgust Respubliкa könen tatar milli xäräkäte liderları änä şundıy şiğär belän ütkärergä niätli


Düşämbe könne BTİÜ Qazanda matbuğat oçraşuı ütkärde. Däwlätçelek, suverenitet turındağı şiğärlärne, öndäwlärne yañartunıñ säbäbe bar. Matbuğat oçraşuın alıp baruçılar Räşit Yäğfärov häm Yunıs Kamaletdinov fikerençä 13 yıl elek möstäqillek turında deklaratsiä qabul itelgäç, milli xäräkät häm xakimiät arasında pozitsiälär yaqınlaşu protsessı başlanğan. Läkin xäzerge wäzğiättä- federal' üzäk basımına bireşep Tatarstan konstitutsiäsen mäğnäsezländerü protsessı barğan da milli xäräkät däwlätçelek, möstäqillek öçen köräşne yañarta. 30nçı avgust - bäyräm könne ictimaği üzäk Qazan mäydannarına bäyrämgä elekkege isemen “Suverenitet köne” isemen qaytaru taläbe belän çığaçaq. BTİÜ säyäsi köräş mäydanına çığarlıq därmanı bar dip sanıy. Xäzerge waqıtta alarnı xalıqnıñ 15 protsent çaması xuplıy. Aldağı parlament saylawlarında ictimaği üzäk milli mäs’älälärne çişüne maqsat itep quyğan firqälärne xuplıy. Şundıy firqälärdä toruçı aktivistları Däwlät Dumasına häm Tatarstan parlamentına saylanırlar dip ömetlänä. Matbuğat oçraşuında işetelgän başqa yañalıqlar: Tatarstan keräşennäre üzlären ayırım xalıq dip tanıtu turında Rusiä prezidentına xat yazğannar. İctimaği üzäk bu keräşennärgä Mäskäw köçläp taqqan ideyä dip sanıy. Keräşen zıyalıları tatardan bülenep çığarğa telämi. Bıyıl köz Qazanda BTİÜ başlanğıçı belän keräşennär problemasına bağışlanğan konferensiä ütkäreläçäk. Häm azaqta BTİÜ räise Räşit Yäğfärovnıñ Azatlıq radiosı tıñlawçılarına ireşterergä telägän xäbäre. Şuşı könnärdä ul citäklägän fol'klor öyränü törkeme Ural yaqlarınnan fänni ekspeditsiädän qayttı. Şulay itep tatar fol'klorı bayıy. Tizdän 16 tomlıq tatar fol'klorı cıyıntığı 20 tomlıq itep kiñäytelep näşer iteläçäk. Anda märxüm Rif Möxämmätcänov xezmätläre dä kerteläçäk.

Yunıs Ätnäle.

XS
SM
MD
LG