Accessibility links

дүшәмбе, 5 декабрь 2016, Казан вакыты 19:39

Kördlär belän törkmännär arasındağı bäreleşlär Ğıraqtağı amerikan administratsiäseneñ başın awırttıra ala!


Tönyaq Ğıraqta Kirkuk häm kürşe şähärdä atna azağında kördlär belän törkmännär arasında bulıp alğan bolğanış, çualışlarda distädän artıq keşe häläk buldı.Törkiä premiere tönyaq Ğıraqtağı waqıyğälärne iqtibar belän qarap barabız dip beldergändä, törek mätbuğatında Ğıraq 400yıl töreklär qaramağında tordı ,ütkändä babalarıbız saqlağan urınnarnı saqlau bezneñ wazıyfa digän mäqalälär kürenä. Kördlär belän törkmännär arasındağı etnik tınıçsızlıqlar Amerika öçen yaña problema tudıra ala .

Atna azağındağı etnik çualışlarğa qädär Kirkuk Ğıraqta suğıştan soñ in tınıç urınnardan berse bulıp kürende. Neftkä bay, törkmän, körd ğäräb häm assuriannarnıñ- yänäşä, tınıçlıqta yäşäwe , Bagdadttağı xaos, cinayätlärneñ bulmawı , xätta maşina yöretüçelärneñ qızıl utta tuqtawı älege Ğıraq öçen uylap ta bulmıy torğan küreneş. Ämma atna azağındağı waqıyğälär anda da etnik problemalarnıñ bik kisken toruın höm qan tügü öçen küp kiräkmägäneñ kürsätte. Xaberlärgä qarağanda Kirkuk kürşesendä Tuz Xarmatoda kördlär yaña ğına açalğan törkmännärneñ ğıybadätxanäsen cimergän.8 keşe üterelde 14 yaralandı. Şimbädä Kirkukta törkmännärneñ ike qährämeneneñ xäykälenä granatlar taşlanğaç, tınıçsızlıqlar anda da cäyelde.Näticädä 3 keşe häläk buldı.Saddamnnan soñ täbäktä ğäräblär belän kördlär arasında kirenkelek kisken . 91nçe yılğı Farsı Qultığı suğışnnan soñ kördlärlär de fakto bäysez yäşi. Törek xärbiläre här daim yaqın qardäşläre Ğıraq törkmännärneñ qurqınıç astında toruın , häm törkmännärne yaqlau öçen tönyaq Ğıraqqa tınıçlıq köçläre cibärü kiräklege turında söyläp kilä.Törkiäneñ üzendä suğışqa qarşılq kürsätü zur bulğan kebek kördlär dä törk xärbiläreneñ kerüenä qarşılq kürsätäçäklären aldan belderde. Kirkuk şähär başlığı itep kördneñ bilgelänüe şulayuq Suleymaniäne kontrole astında totqan Kördistan Patriotik Berlege citäkçse Jalal Talabanineñ Kirkuknı da qaramağına quyu teläge törkmennärne nıq tınıçsızlandıra.Sonğı çualışlar öçen taraflar cawaplılıqnı üz östenä almıy ,alar terrorçılar kördlär belän törkmännär arasında konflikt çığaru öçen tırışa dip äytä.Radiobıznıñ Ğıraq bülege citäkçese, elek Ğıraqta ilçe bulıp torğan David Newton fikerençä ( audio) bik mömkin, bomba ğıybadätxanäne cimerde. Al qaida dip äytü qıyın. Saddam taraftarları etnik kierenkelek buldıru öçen tırışa ala. Bomba şartlauınnan tış bu törkmän belän kördlärneñ üz ara bäreleşüe ide Newton törkmännär belän kördlär arasında kierenkelek bar.Sonğı waqıyğälär moñı kürsätep tora AQŞüzeneñ körd häm törkmännär belän mönäsbätlären küzdän kiçerep, kierenkelekne sülpänäytü yulın qararğa, törkmännärneñ şiqäyätlären kimetergä tieş dip söyli. Törkmännär körd politsiä qoralsızlandırılırğa tieş dip sorap kilä. Ämma AQŞ suğış waqıtnda üzenä yardäm itkän körd partizannarı –peşmergalarnı çik saqçıları itep urnaştırırğa cıyına . AQŞ belän xezmättäşlek kördlärgä amarikannarnıñ dustı dip qarala . Törkmännär isä üzlären çittä qaldırılğan itep xis itä. Mart ayında amerikan soldatlarınıñ Törkiä territorisennän Ğıraqqa höcüm oyıştıruına qarşılıq kürsätkän Törkiä parlamentı sintäber urtalarında 10meñ törek ğäskäriän Ğıraqqa urnaştıru eşen tawışqa quyarğa tieş. Cämäğätçelek qarşı bulsa da, Ankara Waşington belän aralarnı cayğa salu öçen xärbilär cibärü yağında tora. Tik bu xärbilär Törkiä telägäneçä tönyaq Ğıraqta tügel ä könyaqtaraq uranaştırılaçaq dip kötergä kiräk. Atna azağında törkmännärneñ üterelüe Ankara vä İstanbulda protest demonstratsiälärenä, çualışlarğa säbäp buldı. Premier Tayyib Erdoğan (audio) tışqı eşlär minsitırlığı amerikannarnıñ şunduq mäsälägä tıqşınırğa tieşlege turındağı bezneñ telägebezne belderde . Bez wazğiätne centekläp qarap barabız dip söyläde. Üz territoriäsendä körd separatizmın bastırğan Ankara Ğıraq säyäsätendä alarnıñ arta barğan täsir qazanuın borçılu belän qarap bara.

färidä xämit, praga
XS
SM
MD
LG