Accessibility links

пәнҗешәмбе, 8 декабрь 2016, Казан вакыты 11:00

Bombeydağı şartlawlar öçen islamçı törkemnär ğäyeplänä


Hidstannıñ qayber säyäsätçeläre Bombeyda düşämbe könne kimendä 50 keşeneñ ğömeren özgän, 150-dän artıq keşene yaralağan şartlawlar öçen İslamçı törkemnärne ğäyepläde. Hindstannıñ Maharaştra ştatı premyer ministrı urınbasarı Çagan Bujbal terrorçılar Hindstan iqtisadına könläşä dide:

AUDİO: Minemçä terrorçılar bu ike urınnı – turistlarnı iñ nıq cälep itkän Hindstan Qapqasın häm Taj Mahal qunaqxanäsen, şulay uq, säwdä üzäge bulğan Zaveri Bazarın bezneñ soñğı 5 ayda bik yaxşı eşläp kilgän iqtisadıbızğa zıyan kiterü öçen maxsus saylağan.

Bu şartlawlar öçen cawaplılıqnı äle berkem dä üz östenä almadı. Ämma Hindstan politsiäse häm başqa räsmilär monı Paqstanlı islam suğışçıları oyıştırğan dip isäpläwläre turında belderde. Premyer ministr urınbasarı Lal Krişna Paqstan Hindstanğa qarşı terror suğışı alıp bara dide. Ul İslamabadnı Hindstanğa qarşı başqa şundıy höcümnär oyıştıruda şiklänüçelärne totıp Hindstanğa tapşırırğa çaqırdı. Kiçä Paqstan Bombeydağı şarltatularnı terror ğämäle bularaq ğäyepläp çıqtı.

XS
SM
MD
LG