Accessibility links

шимбә, 10 декабрь 2016, Казан вакыты 17:48

Ğiraqnıñ Hamaria şähärendä 1 amerikan soldatı hälak buldı, 2 soldat yaralandı


AQŞ üzäk xärbi idaräse soldatlar yulğa quyılğan şartlatqıçqa yulıqqan dide. Bügen genä AQŞ xärbi citäkçelege Ğiraqta zur bäreleşlär 1 Mayda tämamlanğannan soñ barlığı 138 soldat hälak buldı dip beldergän ide. Mart-aprel' aylarındağı bäreleşlärdä dä näq şul qädär amerikan soldat hälak buldı.

AQŞ ğäskärläre Bağdadtan tönyaqtaraq Xalis şähärendä xärbi operatsiäne däwam itä. Biredä cinayätçel törkem äğzası buluda şiklänelüçe 20-läp keşe qulğa alınğan.

Bügen Pol'şa saqlanu ministrı uzğan ike köndä Pol'şa xärbilärenä 2 märtäbä höcüm buldı dip belderde. Ämma yaralanuçılar yuq dielä. Kut şähärendä Ukraina xärbilärenä dä ut açqannar, alar arasında da yaralanuçılar bulmağan. Bügen biredä Urkaina ğäskärläre xalıqara koalitsiäneñ ber öleşe bularaq üz eşçänleklären başlap qına cibärgän ide.

Berläşkän Millätlär Oyışması Sergio Vieira de Mello pänçeşämbe könne Jenevada cirlänäçäk dip belderde. BMOnıñ Ğiraqtağı yuğarı wäkile Vieirade Mello uzğan atnada BMOnıñ Bağdadtağı idaräsenä terror höcüme näticäsendä hälak buldı. Anda bomba şartlawdan kimendä 23 keşe ülde.

XS
SM
MD
LG