Accessibility links

сишәмбе, 6 декабрь 2016, Казан вакыты 23:02

G.Bush StLouistağı çığışında Ğıraq turında närsä söyläde?


arta barğan tänqit häm suğıştan soñ Ğıraqta häläk buluçı soldatlar sanınıñ ,intervensiä waqıtındağı yuğaltular belän çağıştırğanda arta baruına qaramastan prezident G.Bush, AQŞ okupatsiäsen yaqlap çıqtı St.Louista veterannar aldında yasağan çığışında.

Prezident G.Bush üzeneñ tışqı säyäsäten nıq yaqlap , Ğıraqnı tınıç il xälenä kiterü, äl Qaida aktivistların qulğa alu häm Yaqın Könçığışqa solıx kiterü, demokratiä häm sivilizatsiä qimmätlärennän qurıqqan terrorçılarğa qarşı alıp barılğan zur suğışnıñ ber öleşe bulıp tora dide.Amerikan legionı veterannarı aldındağı çığışında ilbaşı (audio) xärbilärebez säbäple, yaqın könçığış illäre Saddam Hösäin höcüm oyıştırır dip inde qurıqmıy. xärbilärebez toruı säbäple ğıraq yaqın könçığışta intihar terrorçıların finansiälägän çığanaq tügel. Bezneñ xärbi kiemdäge xatın qız häm it atıbız säbäple Ğıraqta äzerlekläü kameraları yabıldı, balalar öçen tärmälär buş häm fikren açıqça äytüçelär üterelerbez dip inde qurıqmıylar . Prezident çığış yasağanda ike soldatnıñ tağı häläk buluı belän Ğıraqta ( Bushnıñ zur bäreleşlär bette dip iğlan itkän) 1nçe maydan soñ ülüçülär sanı 140 ütte . Suğış başlanğan 20nçe mart belän 1nçe may arasında 138amerikan ğäskäriä häläk buldı. AQŞ missiäse turındağı yaña şik şöbhälär belän bergä çit il suğışçılarınıñ Ğıraqqa ütep kerüe turındağı spekulativ fikerlär ütkän atnada Bagdadta BMObaşkavartirasınıñ şartlatıluı belän in yuğarı noqtağa ireşte. Bush Ğıraqnı tözekländerü köräşe qurqınıçlı bulaçaq häm ozaqqa suzılaçaq dip iqrar itep, BMO başkvartirasınıñ bombalanuı, AQŞnıñ basımı astında qalğan terroristlarnıñ ömetsezlek aktı, Äl Qaida häm başqa terror çeltärläre Saddam rejimınıñ ciñelüe, üzläreneñ ciñelüe buluın tanıy dip söyläde. Bush süzlärençä(audio) Terroristlar gönahsız ğıraqlılarnı, amerikannarnı häm törle illärdän BMOräsmilären üterde Alar böten sivilizatsiäle dönyağa suğış iğlan itte , sivilizatsiäle dönyanı qurqıtıp bulmıy. İlbaşı xärbilärebez Äfganstan , Ğıraq häm başqa urınnarda terrorçılarğa qarşı suğışqanlıqtan xalqıbız NY, StLouis yäki Los Angeles-tä terrorçılarnıñ höcümenä duçar bulmayaçaq dide. Administratsiä säyäsäten tänqitläüçelär isä Ğıraqtağı waqıyğälär radikal törkemnärgä quşıluçılar sanın arttırdı , Ğıraqtağı AQŞ missiäse uñışsız dip söyli Bush çığışınnan soñ respublikan senator Chuck Hagel ber televidiniä programasında bu missiä yıllarğa suzılaçaq häm milliardlarça dollarğa töşäçäk , monı däwam itterü öçen yözmeñnärçä xärbi kiräk , prezident moñı xalıq aldına çığıp äytergä tieş dip söyläde.Demokratlarnıñ prezident namzetı Richard Gephard, prezidetnıñ NATO häm BMOdan Ğıraq öçen östämä xärbilär soramawı añlaşılmıy dip söyli. Här ike partiä wäkilläre Ğıraqtağı ğäskär sanınıñ arttırıluın taläp itä.Bush AQŞ citäklägän koalitsiägä kübräk illärneñ quşıluı öçen tırışaçaqmım dip äytä. Ämma İminlek Şurasında östämä xärbilär turındağı rezolutsiä körçekkä terälgän , çönki Waşington Dönya Oyışmasına Ğıraqta mandat birügä qarşı . Administratsiä üzeneñ tışqı häm xärbi säyäsäten yaqlau kampaniäse alıp bara. Prezidenttan ber kön elek saqlanu ministırı Rumsfeld häm milli iminlek mäsälälärendäge kiñäşçe Rice , amerikannarnı sabırlı bulırğa çaqırıp çığışlar yasadı.Demokratlar suğışnıñ tizlektä uñışlı tämamlanuınnan soñ xäzer prezidentnıñ tışqı säyäsättä zäğiflegen sizep, başkomandirğa höcümnären arttırğannan artıra bara. Sişämbedä demokrat senator Robert Byrd WP gazetasında basılıp çıqqan mäqaläsendä Ğıraqta wazğiät kontroldän ıçqına bara, Ğıraq suğışı Amerikağa qarşı näfrätne arttırdı, bu töbäktäge tınıçlıqqa qurqınıç tudıra ala häm dönya küläm terrornıñ tizlektä quätlänüenä kiterä ala dip yaza.Senator Ğıraqnı tözekländerü eşenä başqa illärne çınlap ta qatnaştır dip prezidentqa kiñäş birä.

färidä xämit, praga
XS
SM
MD
LG