Accessibility links

җомга, 9 декабрь 2016, Казан вакыты 16:42

Yasir Arafat barlıq radikal Fälestin törkemnären atışlarnı yañadan tuqtatırğa çaqırdı


Suğışçan törkemnär uzğan atnada İzrail' Hamas citäkçesen ütergännän soñ izrail'lelärgä qarşı höcümnärne yañartqan ide. Bügen Fälestin citäkçese Arafat barlıq törkemnär dä, İzrail' xökümäte ütärgä telämägän, solıx yulı dip atalğan xalıqara tınıçlıq urnaştıru planına yul açarğa tieş dide. Bügen Arafat Reuters xäbär agentlığına ägär dä İzrail' üzeneñ höcümnären tuqtatsa suğışçılarğa qarşı qanun buldırırğa äzermen dip belderde. Fälestin premyer ministrı Mäxmüt Abbas İzrail'neñ Hamas suğışçılarına höcümnäre tınıçlıq urnaştıru eşenä faydalı tügel, häm, kiresençä, Fälestin iminlek köçläreneñ suğışçılarğa qarşı çaralarına zıyan ğına kiterä digän belderü yasası. Kiçä Gaza şähärendä İzrail' xärbiläreneñ raketa höcüme näticäsendä ber keşe hälak buldı, 26 keşe yaralandı. Raketa Hamas suğışçılarına atılğan bulğan. Ämma Hamas suğışçıları raketa töşkänçe ul urınnan kitep ölgergän.

XS
SM
MD
LG