Accessibility links

шимбә, 10 декабрь 2016, Казан вакыты 15:46

Ğiraqta tağın ike amerikan soldatı hälak buldı


Üzäk Xärbi İdarä äytüençä, Bağdadtan 50 çaqrımlap könbatıştaraq, Falluca şähärendä yulğa quyılğan bombadan ber soldat hälak bulğan öçäw yaralanğan. İkençe ber soldat Bağdadta bulğan höcüm näticäsendä ülgän. AQŞ prezidentı George Bush 1 Mayda zur bäreleşlärneñ tämamlanuın iğlan itkännän soñ Ğiraqta barlığı 142 amerikan soldatı hälak buldı. Şularnıñ 64-e doşman utınnan, qalğan 78-e başqa törle qazalar yäki awırulardan ülde. AQŞ xärbiläre Bağdadtan tönyaqtağı sönni cirlärendä Säddam Xösäin tarafdarların ezläwne däwam itä. Amerikan xärbiläre wäkile Josslyn Aberle koalitsiägä qarşılıq kürsätüçelärne yuq itü öçen kiçä maxsus operatsiä başlandı dide. Kiçä bu töbäktä ber cinayätçel törkemneñ 20-dän artıq äğzası qulğa alındı. BMOnıñ Narkotiklarğa häm Cinayätçelekkä qarşı köräş İdaräse Ğiraqta oyışqan cinayätçelek probleması arta bara häm andağı xökem sistemasın bik nıq üzgärtergä kiräk dip belderde.

XS
SM
MD
LG