Accessibility links

сишәмбе, 6 декабрь 2016, Казан вакыты 13:09

Bombeyda küp xalıq qatnaşqan dini bäyrämdä eteş-törteş, taptawlar näticäsendä kimendä 39 keşe hälak buldı, yözdän artıq keşe yaralandı


Qaza induslarnıñ Godavari yılğasında qoyınu yolası aldınnan bulğan. Räsmilär äytüençä, xalıqnı totıp toruçı kirtä sınğan häm keşelär ber-bersen taptıy-taptıy yılğağa taba yögerä başlağan. Düşämbe könne Bombeyda ike bomba şartlaw näticäsendä 51 keşe hälak bulğan ide. Bügen Bombeyda bu şartlatularğa protest demonstratsiäsendä meñnärçä keşe qatnaştı. Bügen Kaşmirnıñ Hind öleşendä, Srinagar şähärendä dä Hindstan premyer-ministrı Atal Behari Vacpayi häm başqa säyäsätçelär kilärgä berniçä säğät qala bomba şartladı. Bomba ber taşlandıy yortta şartlağan, yaralanuçılar yuq dip xäbär itelä. Vacpayi kiler aldınnan Kaşmirda häm Bombeyda iminlek çaraları nığıtıldı.

XS
SM
MD
LG