Accessibility links

шимбә, 10 декабрь 2016, Казан вакыты 21:36

Ğiraqnıñ könyağındağı bäreleşlärdä ber britan soldatı hälak buldı beräw yaralandı


Britaniä xärbiläre wäkile kapitan Hisham Halawi atış Britan xärbiläre Ali äş-Şärqi şähärendä soldatlarnıñ yulın kiskän törkemgä kisätü utı açqannan soñ başlanıp kitte dide:

AUDİO: Britan soldatları Ali äş-Şärqi aşa ütkändä alarğa utızlap keşelek törkem qarşı çıqqan. Bu törkemdäge qayber keşelär belän soldatlar arasında atış bulğan. Näticädä ber soldat ülgän, beräw yaralanğan.

Xärbilär äytüençä, yaqındağı bazadan soldatlarğa yardäm kilgän häm alar törkemdäge 10 keşene totqarlğan. AQŞ xärbiläre Bağdadtan tönyaqtaraq cinayätçelärne häm Säddam Xösäin tarafdarların ezläw operatsiäse barışında tağın 17 keşe totqarlandı dip belderä.

Bügen Fransiä tışqı eşlär ministrı Dominique de Villepin Ğiraqqa BMO citäkçelegendäge xalıqara köçlär kertergä çaqırdı. De Villepin anda iminlek urnaştıru öçen AQŞ citäkçelegendäge köçlärgä yardämgä östämä ğäskärlär cibärü genä citärlek tügel dide.

Bügen Tailand üz ğäskärläreneñ berençe öleşeneñ Ğiraqqa yäkşämbe könne kilep citäçägen iğlan itte.

XS
SM
MD
LG