Accessibility links

шимбә, 3 декабрь 2016, Казан вакыты 16:50

İran neft' yatmaların üzläşterü turında Yaponiä kileşü tözü eşe döres yünäleştä bara dip belderä


İran tışqı eşlär ministrı Kamal Xarazi İrannıñ Azadegan neft' yatmaların üzläşterü turında Yaponiä belän 2 milliard dollarlıq kileşü tözü eşe döres yünäleştä bara dide. Ämma bu atnada Yaponiä säwdä ministrı Takeo Hiranuma söyläşülärdä tärräqiät bulsa da, kileşüneñ qayçan äzer bulaçağı bilgele tügel digän ide. Yaponiä äytüençä, bu kileşügä töp kirtä - İrannıñ atom programması tiräsendäge bilgesezlek. Xäbär agentlıqları BMO atom energiäse belgeçläreneñ İrandağı atom qorılmalarında ike törle nıq bayıtılğan uran tabuı turında belderde. Mondıy bayıtılğan uran tınıç atom programmaları öçen kiräkmi dielä. İran kiçä Yaponiägä BMO atom agentlığınnan östämä küzätüçelär qabul itü turında söyläşülär başlarğa äzer buluın beldergän dip äytelä. İrannıñ atom programması mäs'äläsem çişü Yaponiäneñ Tähran belän neft' tabu turında kileşü imzalawına yul açarğa mömkin.

XS
SM
MD
LG