Accessibility links

чәршәмбе, 7 декабрь 2016, Казан вакыты 23:31

Pekiñda Tönyaq Koreanıñ atom programması turında söyläşülär bara


Tönyaq Koreanıñ atom programmasına bağışlanğan altıyaqlı söyläşülärdä qatnaşuçı Rusiä wäkile, tışqı eşlär ministrı urınbasarı Aleksandr Losükov taraflar söyläşülärneñ ikençe öleşen aldağı ike ay eçendä ütkärergä dip kileşte dide. İtar-Tass agentlığı Losükovnıñ ul söyläşülär dä Pekiñda üzar kebek digän süzlären tapşıra. Söyläşülärneñ xäzer bara torğan berençe öleşe irtägä tämamlana. Losükov äytüençä, barlıq taraflar da irtägä oçraşu axırında imzalanırğa tieş urtaq belderüneñ tekstı turında kileşügä yaqın tora. Bügen altıyaqlı oçraşu çitendä Yaponiä belän Tönyaq Korea wäkilläre ayırım oçraşu da ütkärde. Ul oçraşuda süzneñ ni turıda baruı äytelmi. Kiçä Pekiñdağı söyläşülärdä AQŞ törkeme citäkçese, däwlät sekretare yardämçese James Kelly Tönyaq Korea törkeme citäkläwçe tışqı eşlär ministrı urınbasarı Kim Yoñ İl belän ayırım ğäyre räsmi oçraşu ütkärde. Waşington Tönyaq Korea belän ikeyaqlı oçraşular ütkärüdän baş tarttı.

XS
SM
MD
LG