Accessibility links

Кайнар хәбәр

Tony Blair xökümätneñ qoral mäs'äläläre kiñäşçese David Kelly ülemen tikşerüçe komissiä aldında çığış yasadı


Britaniä premyer-ministrı Blair xökümät Ğiraqnıñ qoralları turındağı xisabında Britan küzläw mäğlümätlären arttırusız qullandı dip belderde. Xökümät üz xisabında Ğiraqqa qarşı suğışnı yaqlawğa ireşü öçen arttırular qullanğan dip xäbär itkän BBC xaqlı tügel dide Blair. Blair, ägär dä BBCnıñ ğäyepläwläre döres bulğan bulsa, min wazıyfamnan çigenergä tieş bulır idem dide. BBCda yañğırağan bu xäbärneñ çığanağı Kelly bulırğa mömkin dip kürsätelgän ide. Parlament komitetında bu xäbär turında sorawğa tartılğannan soñ Kellynıñ qan tamırları kiselgän mäyete tabıldı. Älegä ul üz-üzen ütergän dip sanala. Blair Ğiraqnıñ küpläp üterü qoralları turındağı xisapnı äzerläwdä Kellynıñ qatnaşuın belmägänlege turında äytte.
XS
SM
MD
LG