Accessibility links

чәршәмбе, 7 декабрь 2016, Казан вакыты 15:23

Britaniä premyere BBC xäbäre döres bulsa,miña çigenergä turı kiler ide


Britaniädä qoral belgeçe David Kellynıñ üz-üzen üterü mäsäläsen tikşergän komissiä aldında pendeşämbedä premier T.Blair çığış yasadı.Blair BBCneñ xökümät,Ğıraq suğışın aqlau öçen Bagdadtnıñ küpläp üterü qoralları turındağı mäğlümätne küpertep kürsätte dip däğwä itüe ''absurd'' ägär dä BBC xaqlı bulsa ide , miña çigenergä turı kiler ide dip belderde.

Säyäsätçelärneñ ägär dä çınlap ta şulay bulsa min cawaplılıqnı üz östämä alam digän süzlären yış işetäbez. Ämma ildäge bu yäki tege eş öçen çawaplılıqnı çınlap ta üz östenä alğan politikaçılarnı tabu qıyın, gönah täkäläre ezlänä häm tabıla .Täcribäle yurist T.Blair atna sayın britan parlamentında ,şulayuq ay sayın mätbuğat konferensiälärendä birelgän bik kisken soraular belän eş itergä , şoma ğına cawaplar qaytarırğa öyrängän keşe. Barbadosta yal itep qaytqan premierne atnakiçtä şaqtıy küñelsez eş kötte. Ul lord Hutton komissiäse aldına çığarğa tieş ide.Añı patşalıq mäxkämäse baqçasında suğış cinayätçese digän plaqatlar kütärgän suğışqa protest belderüçelär(audio) T.Blair ''cinayät öçen ezlänä'' digän şiğarlar belän qarşı aldı. Hutton citäkçelegendäge komissiä ütkän ayda David Kellyneñ üz üzen üterüenä etärgän şartlarnı tikşerä.BBC 29-nçe may tapşıruında xökümät sintäber ayında Ğıraq qoralları turında äzerlängän dosiädä mäğlümätne küpertte dip äytkän ide Qoral belgeçe Kelly BBC mäğlümäte öçen çığanaq itep kürsätelgän ide. Tapşıru xökümät belän radio arasında ığı-zığığa säbäb buldı. Blair komissiä aldında BBC tapşıruındağı ğäyepläülär absurd häm şundıy ciddi ki ägär dä döres bulsa ide, min çigenergä tieş bulır idem digän..Premier dosie suğışnı aqlau öçen äzerlänmäde, bez cämäğätçelekneñ basımı säbäple küzläü idaräläreneñ Ğıraq turındağı mäğlümäten faş itergä mäcbür buldıq digän, dosieneñ äzerlänüendä ber nindi säyäsi tıqşınular bulmadı, añı küzläü idaräläreneñ urtaq komitetı äzerläde, Ğıraq 45 minut eçendä ximik häm biologik höcüm oyıştıra ala digän bäxäsle mäğlümätne dä şul komitet dosiägä kertte dip söyläde premier. Blair Kellyneñ dosiene äzerläü eşenä qatnaşuın belmägän.Şığırım tulğan mäxkämä zalında 2säğät 20minut dewam itkän sorau alu waqıtnda xätta T.Blairnı tänqitläüçelär dä ul bik professional, bik şoma ğına cawaplar qaytardı dip äytä.Birjalarda Blairnıñ çığışı tiskäre täsir yasayaçaq dip aldan söyli başlağannar ide. Ämma Blairnıñ kötelgännän yaxşıraq çığış yasap, ciñüçe sıyfatında mäxkämädän ayrıluı belän şunduq strelingneñ dollarğa qarata bäyäse kütärelde ..qimmätle käğäzlärdä tiskäre üzgäreşlär bulmadı. Ämma retorika belän faktlar arasında upqın yata. Britannar Blairğa ışanıçların yuğalttı. Sonğı atnalarda anıñ reytingı töşkännän töşä bara, britannar suğış motivın sorıy, Saddam bärep töşerelgännän soñ ezlängän küpläp üterü qoralları äle dä tabılmadı . Xökümät Kelly mäsäläsenä kürsätkän mönäsäbät säbäple dä tänqitlänä. BMOnıñ eleke qoral belgeçe, yomşaq tonda söyläwçe üz eşe belän mäşğül David Kelly, Westministırda säyäsätçelärneñ cämäğätçelek aldında üzen tänqitläülärenä, yuğarı tonda soraular quyuına ber dä ileşkän şäxes tügel ide. Xökümät belän BBC arasındağı nizaqta ul politik tupqa äyländerelde. Blair xökümäte töşer, tarqalır digän fikerlär kire qağılıp kilde, ämma bugen Premier Blairnıñ mätbuğat bülege citäkçese Cambellneñ çigenäçäge turında xabärlär kilep citte .Mäğlüm bulğançı ul BBC jurnalistı Gilligan tarafınnan xökümätneñ sinteber ayında äzerlägän ğıraq qoralları turındağı dosiädä mäğlümätne artırıp ,küpertep kürsätüdä ğäyeplände.Cawaplılar tabıla da başladımı ?

färidä xämit, praga
XS
SM
MD
LG