Accessibility links

Ğiraqtağı iñ tä'sirle şiği säyäsätçelärneñ berse Ayatulla Möxämmät Baqer äl-Häkim üterelde


Ğiraqnıñ Nacaf şähärendä ildäge iñ tä'sirle şiği säyäsätçelärneñ berse, Ğiraqta İslam İnqilabı öçen Yuğarı Şura başlığı Ayatulla Möxämmät Baqer äl-Häkim üterelde. Äl-Häkim şiğilarnıñ iñ izge ğibadätxanäse - İmam ali mäçetendä comğa wäğäze söylägännän soñ, maşinağa quyılğan bomba şartlaw näticäsendä ber törkem keşelär belän bergä hälak buldı dielä. Ğiraqta İslam İnqilabı öçen Yuğarı Şura wäkile Reuters agentlığına bu höcüm näticäsendä 20-läp keşe ülde dip äytkän. Başqa xäbär agentlıqları isä 10-nan alıp 17-gä qädär keşe ülde, disätälärçä keşe yaralandı dip belderä. Ğiraqtağı AQŞ waqıtlı idaräse başlığı Paul Bremer älege höcümne ğäyepläp, bu waqıyğa yaña Ğiraq doşmannarınıñ berni aldında da tuqtalıp qalmıyaçağın kürsätä dide. Uzğan yäkşämbedä genä Nacafta äl-Häkimneñ abzıysı, Ğiraqtağı iñ tä'sirle şiği din ähelläreneñ berse, Möxämmät Säid äl-Häkimneñ öye yanında bomba şartlatıldı. Ämma din ähele isän qaldı, anıñ muyını ğına sıdırıldı.
XS
SM
MD
LG