Accessibility links

җомга, 9 декабрь 2016, Казан вакыты 22:27

Ğiraqta meñlägän keşe kiçä Näcafta bulğan şartlawnı xökem itep uram cıyınnarında qatnaştı


Näcaf, Bagdad. Kiçä Ğiraqnıñ Näcaf şähärendä şartlaw oyıştıruda şiklänelep bügen anda kimendä 3 keşe totqarlanğan. İldäge amerikan köçläreneñ ber wäkile, cirle xalıq Näcaftağı Quşma Ştatlar xärbilärenä, ike şikle keşene tapşırdı, moñardan tış Ğiraqnıñ yaña politsiäse dä ber keşene totqarladı dip belderde. İlneñ şuşı töbägendäge cirle xakim, Xäydär Mähdi Matar isä barlığı 4 keşe qulğa alındı, şularnıñ ikese söğüdi dip xäbär itä. Kiçä Näcaf şähäreneñ cämiğ mäçete qarşında oyıştırılğan şartlaw näticäsendä, törle çığanaqlarğa qarağanda, yözgä yaqın keşe hälak buldı, alar arasında Ğiraq şığıylarınıñ kürenekle citäkçese ayatolla Möxämmäd Bäker äl-Xäkim dä bar. Bügen meñlägän ğiraqlı, kiçäge höcümne häm kürenekle ayatollanı üterüne xökem itep Näcafnıñ üzendä häm könyaqtağı Basra şähärendä uramnarğa çıqtı. Bagdadta da 2 meñläp keşe ilne amerikannar tarafınnan basıp aluğa häm elekke prezident Saddamnıñ Baath partiäsenä qarşı cıyın ütkärde.

XS
SM
MD
LG