Accessibility links

шимбә, 10 декабрь 2016, Казан вакыты 15:57

Barents diñgezendä batqan su astı köymäsennän tabiğätkä qurqınıç yanamıy dip belderä Rusiä wäkilläre


Mäskäw. Rusiäneñ räsmi wäkilläre süzlärenä qarağanda, bügen Barents diñgezendä batqan atom su astı köymäsennän tabiğätkä qurqınıç yanamıy. İnde utilgä cığarılğan şuşı xärbi köymä, 10 keşelek ekipaj belän şimbä irtän, diñgezdä qatı dulqınlanu waqıtında Kildin utrawı yanında su astına kitte. Älegä ber keşeneñ qotqarıluwı häm ike mäyet tabıluwı xaqında xäbär itelä. Qalğan 7 keşeneñ isän kileş tabıluwına ömet bik yuq dip belderä qaza urınındağı qotqaru törkemnäre. Rusiä wäkilläre şulay uq, 40 yıl elek qorılğan şuşı su astı köymäsendäge ike atom reaktorı qaza waqıtına inde sünderelgän ide, häm anda atom qoralları yuq dip xäbär itte. Tikşerü eşlären bağu öçen Severomorski şähärenä Rusiäneñ xärbi-diñgez köçläre başlığı admiral Vladimir Kuroyedov kilde.

XS
SM
MD
LG