Accessibility links

җомга, 9 декабрь 2016, Казан вакыты 00:57

Qıtay Tönyaq Koreäneñ atom programması turındağı söyläşülärne däwam itärgä çaqıra


Pekin. Qıtay bügen, Tönyaq Koreäneñ atom programması turındağı söyläşülärne kiläçäktä dä däwam itügä ömetlänüwen belderde. Kiçä Pekindä, şuşı mäs'älägä bağışlanğan häm 6 il wäkile qatnaşqan öç könlek oçraşu tämamlanğan ide. Qıtaynıñ tışqı eşlär ministrlığı taratqan belderüdä, söyläşülärdäge här taraf ta qarşılıqlarnı çişü tırışlıqların däwam itär digän ömet belderelä. Läkin Tönyaq Koreä bügen şul söyläşülärneñ kiräklegen kürmäwen xäbär itte, ilneñ räsmi xäbärlär agentlığı tışqı eşlär ministrlığı wäkileneñ, Amerika Quşma Ştatları Pekindäge söyläşülärne Tönyaq Koreäne qoralsızlandıru öçen genä qullanırğa tırıştı digän süzlären kiterä. Waşington kommunistik Pxenyannıñ üzendäge atom programmasınnan waz kiçüwen teli, amerikan yağı fikerençä, Tönyaq Koreä şunıñ yardämendä atom qoralına iä bulırğa tırışa. Pxenyandağı citäkçelek isä başta Quşma Ştatlar yağınnan iminlek garantiäläre alırğa teli. Pekin söyläşülärendä qatnaşqan amerikan wäkilllege citäkçese James Kelly, Qıtay başqalasında näticäle eş başlandı, läkin bez anda yañadan oçraşırbızmı, ällä başqa cirdä küreşerbezme, monısı bilgesez, äle şaqtıy yul ütäse bar dip belderde.

XS
SM
MD
LG