Accessibility links

пәнҗешәмбе, 8 декабрь 2016, Казан вакыты 03:16

Rusiä prezidentı Sardiniädä italyan premyer-ministrı belän oçraşa


Palau, Sardiniä. İtaliäneñ şuşı utrawında räsmi säfär yasawçı Vladimir Putin, italyan premyerı Silvio Berlusconi ozatuwında bügen, utrawğa kilgän zur urıs xärbi korabında buldı. Anda Rusiä prezidentı, älege korabnıñ biregä kilüwe, Rusiä belän İtaliä arasındağı xärbi xezmättäşlekneñ artuwın kürsätä dip belderde. İke citäkçe bügen şulay uq, yaqındağı italyan xärbi nığıtmasın da barıp qarıy. Putin häm Berlusconi arasındağı räsmi söyläşülär kiçä ütkän ide, anda alar ikese dä, Ğiraqnı torğızu eşlärenä xalıqara cämäğätçelekne kiñräk qatnaştıru kiräk digän fiker belderde. Vladimir Putin süzlärenä qarağanda, Rusiä Ğiraqta, Quşma Ştatlar citäkçelegendä xalıqara tınıçlıq saqlaw köçlären urnaştırunı xuplıy, läkin Mäskäw monıñ öçen İminlek Şurasınıñ tieşle qararı bulırğa tieş dip isäpli. İkeyaqlı söyläşülärdä italyan premyer-ministrı şulay uq Rusiä prezidentınıñ üz ilen Yevropa belän nığraq bäyläw tırışlıqların maqtap telgä aldı, häm İtaliä aña bu eşendä yardäm itäçäk dip ışandırdı.

XS
SM
MD
LG