Accessibility links

дүшәмбе, 5 декабрь 2016, Казан вакыты 17:32

İran Yevropa Berelegennän üzeneñ atom programması tiräsendäge bäxäslärne kimetüdä yardäm itüwen ütenä


Tähran. İrannıñ atom energiäse idaräse başlığı Yevropa Berlegennän, ilneñ atom programması tiräsendä barğan qaynar bäxäslärne suwıtuda häm monı säyäsätläştermäwdä yardäm itüwen ütenä. Ğölamriza Ağazadä şuşı üteneçen kiçä Yevropa Berlegeneñ tışqı säyäsät wä iminlek ölkäsendäge yuğarı wäkile Javier Solana belän oçraşuwı waqıtında äytkän, bu xaqta İrannıñ İRNA xäbärlär agentlığı belderä. Amerika Quşma Ştatları İrannı üzendä atom qoralın buldırırğa tırışuda ğäyepli häm bu mäs'äläne Berläşkän Millätlärneñ İminlek Şurası qaramağına çığarıluwın teli. Tähran isä üzendäge atom programmasınıñ fäqät tınıç maqsatlarda ğına qullanıluwın belderä. İrannıñ atom energiäse idaräse başlığı Ağazadä bu uñaydan Solananı, şuşı mäs'äläneñ çamadan tış säyäsätläşterelüwenä yul quymasqa öndi. Kiçä Javier Solana, İran üzeneñ atom programması turındağı möhim sorawlarğa cawap birergä tieş dip beldergän ide.

XS
SM
MD
LG