İerusalim. Bügen İrannan İzrailgä kilgän Javier Solana andağı citäkçelär belän oçraşa, bu söyläşülärdä dä iğtibar üzägendä İrannıñ atom programması tora, moñardan tış Yevropa Berlegeneñ tışqı säyäsät wä iminlek öçen cawaplı yuğarı wäkile, Yewropanıñ fälästin idaräsenä yardäm itüwen "tuñdıru" mäs'äläsen dä tikşerergä cıyına, İzrail şul aqça fälästin radikalların finanslawğa kitä dip isäpli. Solana Tel Avivta İzraildäge oppozitsiä citäkçese Şimon Peres belän oçraştı, ul bügen tışqı eşlär ministrı Silvan Şalomnı da kürep söyläşäçäk. İke kön däwam itäçäk säfäre barışında anıñ şulay uq premyer-ministr Ariel Şaron belän dä oçraşuwı qaralğan.
