Accessibility links

җомга, 9 декабрь 2016, Казан вакыты 03:09

Ariel Şaron: "İzrail şähäre suğış qırına äylänmäyäçäk"


Aşkelon, İzrail. Şuşı ilneñ premyer-ministrı Ariel Şaron, radikal' islamçılarnıñ "Xämäs" törkeme yasağan höcümnär İzrailneñ Aşkelon şähären suğış qırına äyländermäyäçäk dip belderde. Şuşı süzlären ul bügen, yaña uqu yılı başlanu uñayınnan şul şähärdä uquçılar aldında yasağan çığışında äytte, läkin yaña höcümnärgä qarşı nindi çaralar planlaştırıluwı xaqında täfsille mäğlümat birmäde. Bu atnada "Xämäs" törkeme Gaza sızığınıñ tönyağınnan Aşkelonğa ber raketa cibärgän ide. İzrail yağı, fälästin radikallarınıñ yaña höcümnärennän qurqıp, cäyge yaldan kire mäktäplärenä qaytqan balalarnı saqlaw öçen eşkä 12 meñläp politsiä xezmätkären häm 5 meñläp ixtiarinı cälep itte. Ul arada fälästin xökümätendäge tışqı eşlär ministrı Nabil Şaath xalıqara cämäğätçelekne, "solıx yulı" dip atalğan tınıçlıq planına yaña sulış örergä çaqırdı, anıñ süzlärenä qarağanda, fälästin yağı şul planğa tuğrı bulıp qala.

XS
SM
MD
LG