Mäskäw. Rusiäneñ saqlanu ministrı Sergey İvanov, Barents diñgezendä xärbi su astı köymäseneñ batuwına, iminlek taläplären ütämäw säbäp bulıp tora dip belderde. İTAR-TASS agentlığı anıñ, batqan köymä belän eş itüdä "başbaştaqlıq oçraqları" bulğan digän süzlären kiterä. Ministr İvanov qaza urınına barıp, 238 metr tiränlektä yatqan köymäneñ kütäreläçägen, diñgezdäge radiatsiä däräcäseneñ normal' buluwın äytte. Ul şulay uq utilgä cibärelgän qalğan su astı köymälären dä maxsus urınğa tarttırunı älegä tuqtatıp toru ämeren birde. Qaza näticäsendä köymädäge 10 keşeneñ 9-ı hälak buldı. Bu uñaydan bügen Rusiäneñ Tönyaq diñgezendä matäm köne iğlan itelde.
