Accessibility links

шимбә, 10 декабрь 2016, Казан вакыты 15:51

Koreäneñ könyağı tönyaqnı atom qoralı belän yanawdan kisätä


Seul. Könyaq Koreä bügen kommunistik tönyaqnı, üzendä atom qoralın buldıru turındağı belderüläre belän bar dönyağa yanamasqa öndäde. Könyaqnıñ tışqı eşlär ministrı Yun Yuñ-Kwan cirle telekanalğa birgän äñgämäsendä, ägär dä Tönyaq Koreä xökümäte üzendä atom programmasın buldıru eşen däwam itsä, ul ilne tağın da dönyadan ayıru qurqınıçı aldında qalaçaq dip kisätte. Pxenyandağı xökümät, bu atnada Pekindä uzğan "altılı" söyläşülärne "faydasız" dip bäyäläp, alar Tönyaq Koreäne üz atom qoralların buldıru kiräklegenä tağın da inandırdı ğına dip beldergän ide. Läkin Pekin oçraşuwında qatnaşqan illär - Tönyaq häm Könyaq Koreä, Amerika Quşma Ştatları, Qıtay, Rusiä häm Yaponiä, söyläşülärdä ayırım ber qararğa kilenmäsä dä, alarnı däwam itü kiräklegen belderde. Ämma kiläse söyläşülärne qayçan uzdıru waqıtı xaqında qarar qabul itelmäde.

XS
SM
MD
LG