Accessibility links

пәнҗешәмбе, 8 декабрь 2016, Казан вакыты 09:11

Nacaftağı şartlaw öçen kem ğäyeple?


Comğa könne Najaftağı bomba şartlauında 100dän artıq keşe,şulsanda tanılğan şığı citäkçese häläk buldı.Höcümne Saddamğa turılıqlı törkemnärme, çit il terroristları ällä xakimiät öçen üz ara köräşkän şığı törkemnäreme oyıştırdı? Bilgele tügel.Tağı da möhimräge bu höcümneñ AQŞ citäklägän waqıtlı idarägä, ğomumän ildäge xällärgä täsire nindi bulır anısı da bilgesez.

Üterelgän şığı citäkçese Ayatolla Möxämäd Baqir al –Hakimneñ cänaza märasimı Bagdadta başlandı. Yök maşinasına quyılğan simvolik tabut artınnan açu häm matäm şiğarları qıçqırğan uñmeñnnäçä keşe yöri (audio) alar bügen irtän Qärbälägä kilep citte , irtägä ul Nacafta kümelergä tieş. Al Hakim comğa namazınnan soñ Nacafta şığılarnıñ izge ğıybadätxanäsendä 124 keşe belän bergä häläk buldı. Hakim Ğıraqtağı in möhim şığı firqası İslam İnqilabı öçen Yuğarı Şuranıñ citäkçse ide. Nacaf gubernatorı Mehadi şartlau eşen tikşerüdä AQŞ Federal tikşerü Bürosı FBİdän yardäm sorağan.Älegäçä insident öçen cawaplı dip şiklänelgän 2 distägä yaqın keşe qulğa alındı. Şartlatu eşe öçen kem cawaplı digän sorauğa turıdan turı cawap yuq älegä , berençe çiratta eleke rejim qaldıqları tora. Hakimneñ İnqilap Şurasınıñ Londondağı wäkile Hamid Al Bayati dä ( audio) Saddamğa turılıqlılar küptännän birle Ayatollanı hädäf itep alğan. Rejim cimerelgännän soñ da alar Ğıraqta aktivlıq alıp bara. Minemçä alar in şiklänelgän keşelär. Ämma Äl Cäzire televidiäse bügen Saddamnıñ yaña audio kasetasın işetterde. Eleke diktator Nacaftağı bombalau eşenä qatnaşuın häm taraftarlarına quyılğan ğäyepläwlärne kire qağa İnsident öçen Ğıraqnıñ yaña xökümätendä xakimiät öçen köräşkän köndeşlärne ğäyepläp bulğan kebek ilneñ zur küpçelegen täşkil itkän şığılarnıñ ruxaniläre arasında da köndäşlek az tügel dip äytergä kiräk , xätta küp kenä ğıraqlılar amerikannar şığılarnıñ artığı belän köç qazanuın telämägän öçen bu şatlaunı oyıştırdı dip söyli . Ğıraqnıñ azçılıqtağı sönniläre elek xakimiätlärenä qurqınıç tudırğan şığı citäkçelären tazartu belän şögellände. Comğa könne üterelgän al Hakim üzenä yasalğan höcümnärdän soñ İranğa kitkän ide, 23 yıl eksildän soñ ul bu aralarda ğına kire qayttı.Şığılar üz aralarındağı tirän upqınnı iqrar itergä telämäsä dä, şığılarnıñ säyäsi üzäge Nacafta Al Hakimneñ köçle doşmannarı bar ide. Şığılar ber genä şığı da İzge imam Ali meçetendä bomba şartlatmas dip söyläsä dä ,apreldä Nacafta köndäş şığı firqaları arasındağı köräş säbäple ike ruxani üterelde.Ütkän yäkşämbedä Hakimneñ abzısı bomba höcümendä yaralandı , anıñ 3 saqçısı häläk buldı. Bu insidentnıñ AQŞ citäklägän okupatsiägä täsire nindi bulır digän sorau kön üzägendä tora. Şığı citäkçeläre ildä iminlek urnaştıra almağan amerikannarnı ğäyepläp çıqsa da , Ğıraq İslam İnqilabı öçen Yuğarı Şura häm başqa şığı firqaları amerikannnar belän xezmätäşlek däwam itäçäk dip belderde. AQŞ Nacaf häm tiräsen Polşa citäklägän xalıqara köçlärgä tapşırırğa tieş ide. Ämma insidenttan soñ bu eş kiçekterelde. Bagdadtta Ğıraq idarä şurası bügen nixäyät 25 keşedän torğan waqıtlı kabinetnı bilgeläde . Saylaularğa qädär Ğıraq belän idarä itäçäk xäkümättä 13şığı, 5 sönni ğäräb, 5 körd ber etnik törek häm ber assurian xristian utıra. Bu xökümät belän ğädättägeçä premier citäklämi, xakimiät administrator Paul Bremer qulında tuplanğan.

färidä xämit, praga
XS
SM
MD
LG