Accessibility links

дүшәмбе, 5 декабрь 2016, Казан вакыты 21:53

Tatarstan Däwlät Şurasınıñ 18nçe sessiäse 11nçe sintäbergä qädär tänäfes iğlan itte...


Şulay itep Däwlät Şurasınıñ plenar utırışı kön tärtibenä kertelgän 16 mäs’äläne tikşerep çıqqaç ber atnalıq tänäfes iğlan itte. Uzğan tapşıruıbızda kön tärtibendäge töp mäs’älälärneñ parlament saylawları xaqında buluı turında äytkän idek. Berençe mäs'älä konstitutsiäneñ 69, 70 häm 88 matdälärenä üzgäreşlär häm östämälär kertü qısqa häm tögäl ide. Deputatlar anı 1 uqılışta berençe tänäfeskä qädär ük qabul ittelär. Şulay itep Däwlät Şurasına 100 deputat saylanu, alarnıñ eşçänlegenä bäyle çikläwlärne üzgärtü, tarqalu oçrağında saylawlarnı 120 könnän dä soñğa qalmıyça ütkärü üzgäreşläre qaraldı. Ä menä Däwlät Şurasına saylawlar turındağı qanunnı tikşerü qatlawlı häm bäxäsle. Söylägänebezçä älege qanun proyektı 1 uqılışta monnan ber yıl elek qabul itelgän ide. Rusiä qanunnarı üzgärtelüe säbäple Tatarstan parlamentı anı qabul itü protsessın tuqtatıp tordı. Ber yıl eçendä qanun proyektına 382 tözätmä kertelgän bulıp çıqtı. İnde menä konstitutsiäçädä üzgäreşlär kertelä. Däwlät Şurasına saylawlar turında qanunnı ikençe uqılışta qabul itkändä nindi prinsipial' mäs'älälär xäl itelde soñ? Tatarstan parlamentı ber palatalı bula. 100 deputatnıñ illese ber mandatlı okruglardan, illese firqälärdän saylanaçaq. Ä menä daimi eşläwçe deputatlar sanı turında bäxäslär quptı. Yartığa yartı variantı qabul itelmäde. Xäzergä daimi eşläwçelär sanın yegermedän arttırmasqa digän täqdim östenlek itä.

Däwlät Şurasınıñ matbuğat üzäge sessiädän soñ Tatarstanda Rusiä däwlät Dumasına saylawlar tärtibendä iğlan itte. Dekaberdäge saylawlar respublika da ber tur da, qatnaş sistemada ütkärelä. Saylawçılarnıñ 25 protsentı qatnaşsa ğına saylawlar näticäle dip tanıla. Ber mandatlı okruglar da ciñüçe küpçelek tawışlarğa qarap bilgelänä. Firqälärdän deputatlıqqa nämzätlär öçen saylawlarğa ütü bar'yerınıñ busağası 7 protsent itep bilgelände. Şulay itep parlament saylawları turındağı qanunnarnı ikençe, öçençe uqılışlarğa äzerläw öçen ber atna waqıt birelde. Deputatlarnıñ kübese köndälek eşlärenä kereşte.

XS
SM
MD
LG