Accessibility links

шимбә, 3 декабрь 2016, Казан вакыты 03:29

Tatarstan Amerikadan nilär öyränä ala?


Bügen Tatarstan Milli Kitapxanäseneñ Amerika üzägendä Amerikanıñ Dawlat Departamentınıñ wäkile belän oçraşu uzdı, xörmätle tıñlawçılar. Menä inde berniçä yıl, Quşma Ştatlar Tatarstanda törle mäğrifät proyektların täqdim itä. Bu proyektlarda qatnaşıp, ingliz telen belüçe studentlar, törle ölkälärdä eşläwçe olıraq yäştäge belgeçlär konkurs ütep, Amerika universitetlarında uqu mömkinlegenä ireşälär. Uzğan yıl Idel buyı okrugında alıp barılğan bu proyektlarnı bağıp barır öçen, Quşma Ştatlarınıñ Rusiädäge ilçelege Samarada regional'' initsiativa üzägen açtı. Bu üzäkneñ baş koordinatorı urınbasarı Viktor Kovel''skiy Qazanda Amerikanıñ mäğrifät programmaların oyıştıruçı berniçä oyışma wäkile belän oçraştı.

Moña östäp, bıyılnıñ noyaber ayı başında Amerikanıñ Regional'' Üzäge Qazanda däwläti bulmağan oyışmalar öçen seminar oyıştıraçaq. Seminarnıñ maqsatı - grajdannar cämğiäten, demokratiäne tözü, keşe xoquqların yaqlaw yulları belän tanıştıru.

Seminarda Amerika ilçelegeneñ berençe sekretare Djeff Wendril da qatnaşaçaq.

Viktor äfände süzlärençä, soñğı waqıtlarda Tatarstan Amerikanıñ mäğrifät programmalarında başqa Idel buyı okrugınıñ töbäklärenä qarağanda kübräk qatnaşa häm bu respublikada sälätle yäş ğalimnären küp buluın isbatlıy.

Regional'' Initsiativa Üzägeneñ Rusiä öçen başqa proyektları da bar. Alar buyınça eşmäkärlärne könbatış täcribäsenä öyrätü, grajdannar cämğiäten tözü, sotsial'' yaqlawnı sivilizatsia yulına salu, Amerika ham Rusiä töbäkläre arasında duslıqnı üsterü. Xäzerge Rusiädä Amerika belän yaqın xezmättäşlekne törleçä bäyäläwcelär bar, xörmätle tıñlawçılar. Qayber säyäsätçelär fikerençä, Amerika universitetları Rusiä ğalimnärennän belem cıyar öçen, alarnıñ iñ başlıların çaqırıp, oçsızğa eşläter öçen törle grantlar, maxsus stipendiälär tarata. Andıy fikerlär turında Qazan qunağı Viktor Kovel''skiy bolay dide.

Tasma.

Bu fikerne işetü bik qızıq, çönki andıy süzlärne äytüçe keşelär Amerikanıñ immigratsiä qannunarı belän tanış tügel, uqu vizasın aluçı keşe uqıp betkäç Rusiägä qaytırğa mäcbür bula häm ul ike yıl ütkäç kenä yañadan Amerikağa bara ala.

Amerikağa uqırğa cibärelgän här şäxes watanına qaytıp öyrängännären qullanıp qararğa tieş. Bu şart ütälsä genä, Tatarstanda, Rusiädä zamança cämğiät tözelergä mömkin dide Viktor äfände.

Milli kitapxanädäge Amerika üzägeneñ direktorı Söyembikä Ziganşina süzlärençä, Amerikada uqığan Tatarstan studentları yaña ideyalar belän qayta. Üz waqıtında Söyembikä xanım da Qusma Ştatlarğa ber yılğa cibärelgän ide. Min üzem anda başta qalırmın dip uylağan idem, ämma tuğan ilemä qaytqaç fikerem bik tiz üzgärde, çönki emigrant-mohacir bulasım kilmi. Tatarstanda uñışqa ireşäsem kilä, di ul.

Şulay itep, başqa, uñışlı ilneñ täcribäsen öyränüneñ tik faydalı ğına buluı açıq kürenä. Çönki velosipednı yañadan uylap tabarğa tırışqançı, aña utırıp yörergä öyränü ciñelräk tä, tizräk tä.

Qazannan Iskändar Nurmi

XS
SM
MD
LG