Accessibility links

җомга, 9 декабрь 2016, Казан вакыты 22:29

Üzäk Saylaw komissiäse räise jurnalistlar belän oçraştı...


Bilgele bulğança, 3nçe sintäberdän RF Däwlät Dumasına saylaw aldı kampaniäse başlandı. Şul uñaydan uzğan oçraşuda saylaw aldı äzerlege, Massaküläm mäğlümat çaralarınıñ xoquqları xaqında söylände häm jurnalistlarnı borçığan sorawlarğa cawap birelde.

Saylaw aldı kampaniäse başlanğanğa ike kön genä buluğa qaramastan inde ber kandidat terkälgän dä ikän. Ğomumän üz-üzeñne täqdim itügä 30 kön birelä. Şul waqıt eçendä saylanuçı üze turında xäbär itärgä tieş, şunnan aña saylaw fondınnan aqça birelä başlıy. Kandidatnıñ terkälmägän kileş saylaw aldı öndäwen alıp barırğa xoquqı yuq. Terkälmägän kandidatlar agitatsiä, öndäwlären aldan taratsa, komissiä alarnı terkämäskä dä mömkin, dide Anatoliy Fomin.

Ul yäki bu kandidatnıñ deputatlıq eşe belän bäyle bulğan mäğlümatnı gazetalarda, radio-televideniedä barı 7nçe noyäberdän genä kürergä mömkin bulaçaq. Ä massaküläm mäğlümat çaraları saylaw aldı kampaniäsendä qatnaşır öçen Üzäk Saylaw komissiäsenä ber ay öçendä maxsus ğariza birergä tieşlär ikän. “Barlıq dönya kürgän yazmalar da, televizion tapşırular da qatı tikşereläçәк. Yazmalarnıñ ber nösxäsen Üzäk Saylaw komissiäsenä dä cibärergä tieş bulaçaqsız”, - dide Anatoliy Fomin. Şulay uq ber-bersenä qara yağuçılar bulaçaq. Ämma alar turında yazğanda, faktlar tikşerelgän bulsın ide, yuqsa bez saylaw kampaniäse däwerendä qanun bozğan gazetanı yäki tapşırunı yabarğa mäcbür bulaçaqbız, dide Saylaw komissiäse räise. Tatarstannıñ kommunistlar firqäse wäkile Robert Sadıkov bu atnadağı “Звезда Поволжья” gazetasında bezne mäsxärälägän yazmalar çıqqan dip zarlandı. Anatoliy Fomin barısın da tikşererbez dide. Dimäk massaküläm mäğlümat çaraları turındağı yaña qanun, jurnalistlarnı, süzlärne şaqtıy ülçäp söylärgä mäcbür itä. Ä barlığı Tatarstanda 2003nçe yılnıñ ikençe kvartalına 801 massaküläm mäğlümat çarası terkälgän. Şunıñ 200se elektron, qalğanı basma. Älege massaküläm mäğlümat çarasınıñ 20 protsentı däwlätneke, 20 protsentı munitsipal', qalğanı şäxsi.

Şulay uq Üzäk saylaw komissiäse qarşında barlıq basmalarda çıqqan yazmalarnı tikşerep baruçı, zarlarnı tıñlawçı eşçe törkem dä tözeläçäk ikän. Tağın Saylaw kampaniäse barışında Matbuğat xezmäte eşliäçäk. Jurnalistlar üzlärenä kiräkle mäğlümatnı şunnan alaçaq dide Anatoliy Fomin.

Landış Xarrasova. Azatlıq radiosı. Qazan.

XS
SM
MD
LG