Accessibility links

җомга, 9 декабрь 2016, Казан вакыты 08:53

Äfğänstannıñ könyağında distälärçä doşman suğışçısı üterelgän


Äfğänstandağı AQŞ köçläre wäkile Rodney Davis könyaqtağı Zabul töbägendäge xärbi operatsiälär uñışlı ütte, doşman qarşılığı kimi bara dip belderde. Davis äytüençä, biredäge operatsiä 23-nçe avgustta başlanğannan birle kimendä 84 doşman suğışçısı üterelgän. Qayber Äfğän xärbi citäkçeläre isä doşmannıñ ber yözdän artıq suğışçısı üterelde dip äytä. Bu suğışçılarnı alar Taliban qaldıqları dip sürätli. Zabuldağı Äfğän köçläre başlığı Haci Säyfulla Xan comğa kiçendä 5 taliban qaçqının, şul isäptän Taliban ğisyançılarınıñ ber citäkçesen tottıq dip belderde. Zabul töbägendä, ber meñläp Äfğän soldatı häm öçyözläp AQŞ xärbie Taliban häm äl-Qaidä qaldıqların ezli.

XS
SM
MD
LG