Accessibility links

шимбә, 3 декабрь 2016, Казан вакыты 09:55

AQŞ saqlanu ministrı Donald Rumsfeld Äfğänstannı tözekländerü maqsatındağı AQŞ citäklägän xärbi programmağa qänäğätlek belderde


Qabulda Äfğänstan prezidentı Xämit Karzai belän oçraşudan soñ çığış yasap Rumsfeld Paktia töbägendä Ölkälärne Tözekländerü Törkemen qarap ruxlanuı turında äytte. Anıñ äytüençä, Qabuldan çittä biş töbäktä eşläp kilgän mondıy törkmär sanı kiläçäktä biştän sigezgä kütärelergä mömkin. Ramsfeldnıñ älege berkönlek säfäre aldınnan, Äfğänstannıñ könyaq häm könyaq-könçığış öleşlärendä Taliban qaldıqları belän AQŞ citäkçelegendäge koalitsiä köçläre arasında ber atnadan artıq qatı bäreleşlär buldı. Karzai jurnalistlarğa Rumsfeld belän oçraşudan bik qänäğät qaluın belderde:

AUDİO: Ul Waşingtonnan bik yaxşı xäbär alıp kilgän. Äfğänstanğa yardämne däwam itü häm bälki tağın da arttıru turında. Bez üzara söyläşülärdä ike il arasındağı törle mäs'älälärne qaradıq. Alar arasında terrorğa qarşı köräşne däwam itü, Äfğänstannı tözekländerü, däwlät armiäsen öyrätü häm başqa mäs'älälär, bigräk tä, bezneñ öçen ayıruça ähämiätle bulğan Töbäklärne Tözekländerü Törkemnäre mäs'äläse.

Töbäklärne Tözekländerü Törkemnäre - mäktäplärne, su çığanaqların yullarnı tözekländerü proyektları belän şöğellänüçe AQŞ soldatlarınnan ğibarät. Xökümättän bäysez oyışmalar Töbäklärne Tözekländerü Törkemnäre çit il soldatlarınnan xalıqara yardäm xezmätkärlären ayırunı qıyınlaştıra dip mondıy törkemnärne eşne qatlawladnıruda ğäyeplägän ide.

XS
SM
MD
LG